Bjarki Már skoraði mest í sínum fyrsta mótsleik

Veszprém vann sannfæranid 35-25 sigur þegar liðið mætti slóvakís­ka liðinu Tatran Presov í átta liða úr­slit­um SEHA-deild­ar­inn­ar.

Bjarki Már byrjar af krafti á nýjum vettvangi en hann var markahæsti leikmaður liðsins með sjö mörk. Vinstri hornamaðurinn þurfti átta skot til þess að skora þessi sjö mörk en sex þeirra komu úr horninu og eitt úr hraðaupphlaupi. 

SEHA-deild­in er keppni þar sem sterkustu lið Ungverjalands, Króatíu, Hvíta-Rússlandi, Norður-Makedóníu, Serbíu, Slóvakíu og Úkraínu leiða saman hesta sína.