Fótbolti

Íslensku stelpurnar unnu góðan sigur gegn Eistum

Íslenski hópurinn hefur verið við æfingar í Eistlandi og mætir þar heimakonum í dag.
Íslenski hópurinn hefur verið við æfingar í Eistlandi og mætir þar heimakonum í dag. KSÍ

Íslenska U23-landsliðið í fótbolta kvenna vann góðan 0-2 sigur gegn A-landsliði Eistlands í vináttulandsleik í Pärnu í Eistlandi í dag.

Eina mark fyrri hálfleiksins skoraði Sólveig Jóhannesdóttir Larsen þegar hún kom íslenska liðinu í forystu eftir tæplega hálftíma leik. Staðan var því 0-1 þegar liðin gengu til búningsherbergja.

Það var svo Dagný Rún Pétursdóttir sem tvöfaldaði forystu íslenska liðsins þegar hún kom boltanum yfir línuna eftir vandræðagang í vörn eistneska liðsins og niðurstaðan varð því 0-2 sigur Íslands.

Eistland er í 111. sæti heimslista FIFA en Ísland er þar í 17. sæti.

Bein útsending frá leiknum var á Youtube-síðu eistneska knattspyrnusambandsins og áhugasamir geta horft á leikinn hér fyrir neðan.

Byrjunarlið Íslands í dag: Auður Sveinbjörnsdóttir Scheving - Barbára Sól Gísladóttir, Áslaug Dóra Sigurbjörnsdóttir, Arna Eiríksdóttir, Karen María Sigurgeirsdóttir, Katla María Þórðardóttir, Ásdís Karen Halldórsdóttir, Ída Marín Hermannsdóttir, Hlín Eiríksdóttir fyrirliði, Diljá Ýr Zomers, Sólveig Jóhannesdóttir Larsen.

U23-landsliðshópur Íslands:

Andrea Rut Bjarnadóttir - Þróttur R.

Arna Eiríksdóttir - Þór/KA

Ásdís Karen Halldórsdóttir - Valur

Áslaug Dóra Sigurbjörnsdóttir - Selfoss

Auður Sveinbjörnsdóttir Scheving - Afturelding

Barbára Sól Gísladóttir - Selfoss

Birta Georgsdóttir - Breiðablik

Dagný Pétursdóttir - Víkingur R.

Diljá Ýr Zomers - Häcken

Gyða Kristín Gunnarsdóttir - Stjarnan

Hlín Eiríksdóttir - Pitea

Ída Marín Hermannsdóttir - Valur

Karen María Sigurgeirsdóttir - Breiðablik

Katla María Þórðardóttir - Selfoss

Sóley María Steinarsdóttir - Þróttur R.

Sólveig Jóhannesdóttir Larsen - Afturelding

Tinna Brá Magnúsdóttir - Fylkir

Unnur Dóra Bergsdóttir - Selfoss

Fótbolti Landslið kvenna í fótbolta

Mest lesið


Fleiri fréttir

Sjá meira


×

Mest lesið