Vill láta fjarlægja minnisvarða um borgaralega óhlýðni Magnús Jochum Pálsson skrifar 14. júní 2022 22:50 Listaverkið Svarta keilan blasir við þingmönnum þegar þeir koma út úr Alþingi. Vísir/Magnús Bergþór Ólason, þingmaður Miðflokksins, hvatti Birgi Ármannson, forseta Alþingis, til að fjarlægja listaverkið Svörtu keiluna sem er staðsett fyrir utan Alþingishúsið í ræðu sinni á þinginu í dag. Listaverkið er eftir Santiago Sierra og var sett niður árið 2012 sem minnisvarði um borgaralega óhlýðni. Bergþór Ólason, þingmaður Miðflokksins, er ekki par sáttur með Svörtu keiluna og vill að forseti Alþingis fjarlægi hana.vísir/vilhelm Bergþór Ólason tók til máls á Alþingi í dag undir liðnum Störf þingsins. Þar vildi hann nýta tækifærið, það síðasta á þessu þingi, til að halda sína árlegu ræðu þar sem hann hvetur forseta Alþingis til að „hlutast til um að grjóthnullungurinn fyrir utan Alþingishúsið verði fjarlægður.“ Hann rifjaði upp þegar fréttir bárust af því í janúar 2012 að það væri búið að koma fyrir „risastórum grjóthnullungi“ fyrir utan Alþingishúsið sem var kallaður Svarta keilan, átti að vera minnisvarði um borgaralega óhlýðni og var eftir listamanninn Santiago Sierra. Vonast til að þingið komi að „grjóthreinsuðum Austurvelli í haust“ Svarta keilan á eldri staðsetningu.Listasafn Reykjavíkur Hann minntist á að listaverkið hefði áður verið nær Alþingishúsinu og sagði að forsætisnefnd hafi „alla tíð verið skynsamlega þenkjandi í þessu máli án þess að ná fram því markmið að hreinsa Austurvöll af þessari óværu.“ Þar vísaði hann í að verkið var upphaflega staðsett beint fyrir framan Alþingishúsið en var fært um nokkra metra í september 2012 svo það stæði ekki á sjálfum Austurvelli. Síðan þá hefur það staðið á horni Kirkjustígs og Thorvaldsensstrætis, fyrir framan nýja innganginn. Nú er Svarta keilan á horni Kirkjustrætis og Thorvaldsensstrætis.Vísir/Magnús Einnig sagði Bergþór að það væri „eitthvað sérstaklega ónotalegt við það að það sé minnisvarði um borgaralega óhlýðni beint fyrir framan löggjafarsamkundu þjóðarinnar.“ Þá hvatti hann forseta Alþingis til að nýta sumarið í að taka til framan við Alþingishúsið og eiga samtal við Reykjavíkurborg, hvort sem hann ætti það sjálfur eða léti embættismenn um það, um að finna flöt á því að fjarlægja þetta „svokallaða listaverk sem er hreinasta hörmung í augum býsna margra“. Loks sagðist Bergþór vona að þingið kæmi að „grjóthreinsuðum Austurvelli í haust“. Minnisvarði um borgaralega óhlýðni Listaverkið sem Bergþóri er svona illa við samanstendur af grjóthnullungi sem hefur verið klofinn í tvennt með svartri keilu sem situr í sprungunni. Plattinn á listaverkinu vísar í Yfirlýsingu um réttindi manna og borgara sem var samin eftir Frönsku byltinguna.Vísir/Magnús Á síðu Listasafns Reykjavíkur um verkið stendur um keiluna sem verkið heitir eftir: „Keilan vísar til svartra keilulaga hatta sem spænski rannsóknarrétturinn lét sakfellda menn bera í háðungarskyni á 12. öld. Með verkinu vill listamaðurinn minna á mikilvægi borgaralegra réttinda í lýðræðissamfélagi og þann rétt þegnanna að neita því að hlýðnast óréttlátum lögum og kröfum yfirvalda.“ Tæplega tveimur tímum eftir að Bergþór flutti ræðu sína fyrir þingið kom fólk saman við Svörtu keiluna fyrir framan Alþingishúsið til að mótmæla. Þar var samankominn hópur náttúruverndarsinna til að mótmæla rammaáætlun ríkisstjórnarinnar sem færir ýmsar náttúruperlur „úr verndarflokki og skrefi nær faðmi virkjanaaflanna.“ Það eru því greinilega ekki allir jafn óánægðir með steininn og Bergþór. Náttúruverndarsamtök mótmæltu rammaáætlun ríkisstjórnar sem færir ýmsar náttúruperlur „úr verndarflokki og skrefi nær faðmi virkjanaaflanna.“ Svarta keilan veitti ýmsum mótmælendum stuðning.Vísir/Einar Styttur og útilistaverk Miðflokkurinn Alþingi Umhverfismál Mest lesið Níu sviptir leyfi meðan á annað hundrað kvartana hafa borist Innlent Ferðamaður neitaði að borga reikninginn og lét öllum illum látum Innlent Stungumanni í Bankastrætismálinu aftur stungið í steininn Innlent Eigandi Sante segir málið gjörunnið: „Frelsið sigrar alltaf að lokum” Innlent „Forsetinn var aldrei óviðeigandi við neinn“ Erlent Lést við tökur á Emily in Paris Erlent Farþegar látnir sofa á gólfinu á hóteli í Keflavík Innlent „Beint frá býli dagurinn“ býður landsmönnum í heimsókn Innlent Útihátíð fyrir ungmenni gekk eins og í sögu Innlent Serena Williams opnar sig um notkun þyngdarstjórnunarlyfja Lífið Fleiri fréttir Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Líta málið „mjög alvarlegum augum“ Hella áfenginu niður og hringja í foreldra Tuttugu milljónir í bankanum og kona í gæsluvarðhaldi Rigning og rok í methlaupi Sleppt úr gæsluvarðhaldi en málið enn til rannsóknar Hlaup hafið úr Hafrafellslóni Hungursneyð lýst yfir og forsætisráðherra segir alþjóðasamfélagið ráðalaust Aðstoðar allt að fimmtán ára gömul börn að hætta með bleyju Sjá meira
Bergþór Ólason, þingmaður Miðflokksins, er ekki par sáttur með Svörtu keiluna og vill að forseti Alþingis fjarlægi hana.vísir/vilhelm Bergþór Ólason tók til máls á Alþingi í dag undir liðnum Störf þingsins. Þar vildi hann nýta tækifærið, það síðasta á þessu þingi, til að halda sína árlegu ræðu þar sem hann hvetur forseta Alþingis til að „hlutast til um að grjóthnullungurinn fyrir utan Alþingishúsið verði fjarlægður.“ Hann rifjaði upp þegar fréttir bárust af því í janúar 2012 að það væri búið að koma fyrir „risastórum grjóthnullungi“ fyrir utan Alþingishúsið sem var kallaður Svarta keilan, átti að vera minnisvarði um borgaralega óhlýðni og var eftir listamanninn Santiago Sierra. Vonast til að þingið komi að „grjóthreinsuðum Austurvelli í haust“ Svarta keilan á eldri staðsetningu.Listasafn Reykjavíkur Hann minntist á að listaverkið hefði áður verið nær Alþingishúsinu og sagði að forsætisnefnd hafi „alla tíð verið skynsamlega þenkjandi í þessu máli án þess að ná fram því markmið að hreinsa Austurvöll af þessari óværu.“ Þar vísaði hann í að verkið var upphaflega staðsett beint fyrir framan Alþingishúsið en var fært um nokkra metra í september 2012 svo það stæði ekki á sjálfum Austurvelli. Síðan þá hefur það staðið á horni Kirkjustígs og Thorvaldsensstrætis, fyrir framan nýja innganginn. Nú er Svarta keilan á horni Kirkjustrætis og Thorvaldsensstrætis.Vísir/Magnús Einnig sagði Bergþór að það væri „eitthvað sérstaklega ónotalegt við það að það sé minnisvarði um borgaralega óhlýðni beint fyrir framan löggjafarsamkundu þjóðarinnar.“ Þá hvatti hann forseta Alþingis til að nýta sumarið í að taka til framan við Alþingishúsið og eiga samtal við Reykjavíkurborg, hvort sem hann ætti það sjálfur eða léti embættismenn um það, um að finna flöt á því að fjarlægja þetta „svokallaða listaverk sem er hreinasta hörmung í augum býsna margra“. Loks sagðist Bergþór vona að þingið kæmi að „grjóthreinsuðum Austurvelli í haust“. Minnisvarði um borgaralega óhlýðni Listaverkið sem Bergþóri er svona illa við samanstendur af grjóthnullungi sem hefur verið klofinn í tvennt með svartri keilu sem situr í sprungunni. Plattinn á listaverkinu vísar í Yfirlýsingu um réttindi manna og borgara sem var samin eftir Frönsku byltinguna.Vísir/Magnús Á síðu Listasafns Reykjavíkur um verkið stendur um keiluna sem verkið heitir eftir: „Keilan vísar til svartra keilulaga hatta sem spænski rannsóknarrétturinn lét sakfellda menn bera í háðungarskyni á 12. öld. Með verkinu vill listamaðurinn minna á mikilvægi borgaralegra réttinda í lýðræðissamfélagi og þann rétt þegnanna að neita því að hlýðnast óréttlátum lögum og kröfum yfirvalda.“ Tæplega tveimur tímum eftir að Bergþór flutti ræðu sína fyrir þingið kom fólk saman við Svörtu keiluna fyrir framan Alþingishúsið til að mótmæla. Þar var samankominn hópur náttúruverndarsinna til að mótmæla rammaáætlun ríkisstjórnarinnar sem færir ýmsar náttúruperlur „úr verndarflokki og skrefi nær faðmi virkjanaaflanna.“ Það eru því greinilega ekki allir jafn óánægðir með steininn og Bergþór. Náttúruverndarsamtök mótmæltu rammaáætlun ríkisstjórnar sem færir ýmsar náttúruperlur „úr verndarflokki og skrefi nær faðmi virkjanaaflanna.“ Svarta keilan veitti ýmsum mótmælendum stuðning.Vísir/Einar
Styttur og útilistaverk Miðflokkurinn Alþingi Umhverfismál Mest lesið Níu sviptir leyfi meðan á annað hundrað kvartana hafa borist Innlent Ferðamaður neitaði að borga reikninginn og lét öllum illum látum Innlent Stungumanni í Bankastrætismálinu aftur stungið í steininn Innlent Eigandi Sante segir málið gjörunnið: „Frelsið sigrar alltaf að lokum” Innlent „Forsetinn var aldrei óviðeigandi við neinn“ Erlent Lést við tökur á Emily in Paris Erlent Farþegar látnir sofa á gólfinu á hóteli í Keflavík Innlent „Beint frá býli dagurinn“ býður landsmönnum í heimsókn Innlent Útihátíð fyrir ungmenni gekk eins og í sögu Innlent Serena Williams opnar sig um notkun þyngdarstjórnunarlyfja Lífið Fleiri fréttir Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Líta málið „mjög alvarlegum augum“ Hella áfenginu niður og hringja í foreldra Tuttugu milljónir í bankanum og kona í gæsluvarðhaldi Rigning og rok í methlaupi Sleppt úr gæsluvarðhaldi en málið enn til rannsóknar Hlaup hafið úr Hafrafellslóni Hungursneyð lýst yfir og forsætisráðherra segir alþjóðasamfélagið ráðalaust Aðstoðar allt að fimmtán ára gömul börn að hætta með bleyju Sjá meira