Telma Eir ráðin rekstrar­stjóri hjá SalesCloud

Í tilkynningu kemur fram að Telma muni bera ábyrgð á daglegum rekstri fyrirtækisins, mannauðsmálum og upplýsingagjöf til stjórnar.

„Telma starfaði áður sem framkvæmdastjóri Sambands íslenskra framhaldsskólanema og Félags viðskipta- og hagfræðinga ásamt því að sinna stjórnarsetu. Hún er með MBA gráðu frá Háskóla Íslands og BA gráðu í heimspeki, hagfræði og stjórnmálafræði frá Háskólanum á Bifröst. Eiginmaður Telmu er Eyþór Mar Halldórsson og eiga þau einn son,“ segir í tilkynningunni.

Um SalesCloud segir að fyrirtækið bjóði upp á lausnir sem auðveldi fyrirtækjum að auka sölu í verslunum og á netinu með öflugu sölukerfi í skýinu.