Sport

Magic Johnson ætlar að kaupa NFL-félag

Ingvi Þór Sæmundsson skrifar
Magic Johnson er ekki bara einn besti körfuboltamaður allra tíma heldur einnig snjall í viðskiptum.
Magic Johnson er ekki bara einn besti körfuboltamaður allra tíma heldur einnig snjall í viðskiptum. getty/Bauer-Griffin

Magic Johnson á hlut í nokkrum íþróttafélögum og ætlar núna að bæta félagi í NFL-deildinni í þann hóp.

Bandarískir fjölmiðlar greina frá því að Magic hafi gengið til liðs við hóp sem vill kaupa Denver Broncos. Forsprakki hópsins er Josh Harris, meðeigandi NBA-liðsins Philadelphia 76ers.

Denver Broncos var sett á sölu í febrúar. Pat Bowlen keypti félagið 1984 og átti það þar til hann lést 2019. Talið er að Denver Broncos verði selt fyrir allt að fjóra milljarða Bandaríkjadala.

Magic á þegar hlut í þremur íþróttafélögum í Los Angeles; hafnaboltaliði Los Angeles Dodgers, körfuboltaliðinu Los Angeles Sparks og fótboltaliðinu Los Angeles Football Club.

Denver Broncos átti afar erfitt uppdráttar á síðasta tímabili og endaði í neðsta sæti Ameríkudeildarinnar. Denver Broncos hefur þrisvar sinnum unnið Ofurskálina, síðast 2015.

NFL NBA

Mest lesið


Fleiri fréttir

Sjá meira


×

Mest lesið