Innlent

Hildur, Dagur og Dóra mætast í Pallborðinu

Sunna Sæmundsdóttir skrifar
Dóra Björt, Dagur og Hildur takast á í Pallborðinu.
Dóra Björt, Dagur og Hildur takast á í Pallborðinu. Vísir/Vilhelm

Tæpar tvær vikur eru til kosninga og búast má við heitum umræðum í Pallborðinu í beinni útsendingu á Vísi og Stöð 2 Vísi klukkan 13 í dag þegar oddvitar Samfylkingar, Sjálfstæðisflokks og Pírata mætast.

Dagur B. Eggertsson, borgarstjóri og oddviti Samfylkingar, Hildur Björnsdóttir, oddviti Sjálfstæðisflokksins og Dóra Björt Guðjónsdóttir, oddviti Pírata verða gestir Sunnu Sæmundsdóttur í Pallborðinu.

Samfylkingin mælist stærsti flokkurinn í borginni og kannanir benda til þess að meirihlutinn gæti haldið velli. Fylgi Sjálfstæðisflokksins hefur verið á niðurleið og samkvæmt könnunum gæti flokkurinn tapað tveimur til þremur fulltrúum.

Píratar virðast hins vegar á góðri siglingu og gætu bætt við sig tveimur borgarfulltrúum.

Í Pallborðinu verður farið yfir helstu kosningamálin, kjörtímabilið gert upp og rýnt í kannanir. 

Pallborðið Samfylkingin Reykjavík Sjálfstæðisflokkurinn Píratar Sveitarstjórnarkosningar 2022 Borgarstjórn

Mest lesið


Fleiri fréttir

Sjá meira


×

Mest lesið