Atvinna er undirstaða velferðar í Fjarðabyggð Jón Björn Hákonarson skrifar 13. apríl 2022 19:01 Fjarðabyggð hefur í gegnum tíðina búið vel að því öfluga atvinnulífi sem hér er og eru fyrirtæki í Fjarðabyggð með þeim stærstu og öflugustu hérlendis á sviði í sjávarútvegi og álframleiðslu. Þá hafa minni og meðalstór fyrirtæki haslað sér hér völl í þjónustu við ýmsa atvinnustarfsemi á svæðinu og þar hefur orðið til mikil og öflug þekking sem nýtist samfélaginu hér vel sem og landinu öllu. Þegar kemur að öflugu atvinnulífi er nauðsynlegt að yfirvöld séu sífellt á vaktinni, hlúi vel að því atvinnulífi sem fyrir er, en einnig hugi að nýjum tækifærum sem skapast. Þar hefur Fjarðabyggð lengi verið framarlega í flokki. Við höfum verið opinn fyrir uppbyggingun nýrra atvinnutækifæra og má þar nefna t.d. fiskeldi og ferðaþjónustu sem á síðustu árum hefur byggst hratt upp í sveitarfélaginu. Framundan eru svo mörg tækifæri fyrir okkur. Eitt af þeim stærri er uppbygging á grænum orkugarði á Reyðarfirði en Fjarðabyggð hefur undanfarið ár unnið að því í samstarfi við danska fjárfestingasjóðinn CIP. Þarna er um risavaxið verkefni að ræða sem gæti, ef allt gengur upp, gert Fjarðabyggð að miðstöð orkuskipta á Íslandi, og mikilvægan hlekk í því að Íslendingar standi við alþjóðlegar skuldbindingar sínar þegar kemur að orkuskiptum. Grunnur hins græna orkugarðs sem hugmyndir eru uppi um á Reyðarfirði er framleiðsla á vetni. Við framleiðslu þess falla til hliðarafurðir s.s. súrefni og heitt vatn þannig að til getur orðið samfélag fyrirtækja sem kjósa að staðsetja sig á sama stað og nýta áðurnefndar hliðarafurðir. Þannig verður til hringrásarhagkerfi sem tryggir að þær orkuafurðir sem til verða séu fullnýttar og skapi þannig mikil verðmæti, jafnvel í samstarfi við fyrirtæki í Fjarðabyggð. Um leið gæti verkefnið spilað stórt hlutverk í að Íslandi verði kleift að standa við skuldbindingar um orkuskipti innanlands. Framtíðin er græn í Fjarðabyggð. Það er ánægjulegt til þess að vita að horft sé til Fjarðabyggðar sem samstarfaðila í slíku verkefni sem grænn orkugarður er. Það er enginn tilviljun. Bæjaryfirvöld, starfsmenn sveitarfélagsins og samfélagið allt hefur sýnt það að okkur er full treystandi sem samstarfaðila í slíkum verkefnum og til þess er horft. Störf án staðsetningar En þetta er ekki það eina. Samhliða þessu stóra verkefni þarf að huga að öðrum þáttum. Þar horfum við framsóknarmenn til þeirra tækifæra sem liggja í störfum án staðasetningar. Þrátt fyrir að COVID-19 hafi reynt á okkur öll og samfélagið í heild þá hefur faraldurinn engu að síður opnað augu okkar fyrir tækifærum sem voru fjarlæg áður. Þannig hefur ný sýn nú opnast á að hægt sé að sinna mörgum störfum óháð staðsetningu. Ungt fólk í dag horfir í ríkum mæli til þess að getað valið sér störf sem gera því kleift að búa á landsbyggðinni. Stjórnvöld hafa auk þess sett sér markmið í byggðaáætlun um að fjölga til muna störfum án staðsetningar, ljóst er að tryggja þarf að orð og efndir í þessum málum fari saman og halda þarf uppi þrýstingi á ríkisvaldið að hrinda þessum áformum í framkvæmd. En það er ekki nóg. Sveitarfélög um landið þurfa einnig að hafa nauðsynlega innviði til staðar svo þetta sé hægt. Þar á Fjarðabyggð að stíga sterkt til jarðar og tryggja að fólk sem kýs að búa hér, en vinna í fyrirtækjum eða stofnunum sem staðsett eru á höfuðborgarsvæðinu eða erlendis, eigi þess kost að sitjast hér að og hafa aðgang að þeirri vinnuaðstöðu sem nauðsynleg er. Uppbygging klasa eins og svo myndarlega hefur risið á Norðfirði í Múlanum, þarf að verða víðar og þar þurfa sveitarfélög og ríki að leggja hönd á plóg svo það megi verða að veruleika. Þar þurfa bæjaryfirvöld að koma inn í og vinna að slíku eins og kostur er í hverfum okkar. Framsókn vill öflugt og fjölbreytt atvinnulíf Framsókn í Fjarðabyggð vill halda áfram að renna styrkum stoðum undir hið öfluga atvinnulíf sem hér er að finna. Það er ljóst að tækifærin eru víða og við þurfum að halda áfram að skoða þau, vega og meta, og grípa þau sem okkur lýst vel á. Mikið hefur verið unnið í þessum málum undanfarin ár og nauðsynlegt að sú vinna haldi áfram. Framsókn í Fjarðabyggð vill halda áfram að leggja þar sitt af mörkum ef við fáum til þess stuðning í sveitarstjórnarkosningunum þann 14.maí nk. Höfundur er bæjarstjóri Fjarðabyggðar og situr í 1. sæti á framboðslista Framsóknarflokksins í Fjarðabyggð. Viltu birta grein á Vísi? Sendu okkur póst. Senda grein Fjarðabyggð Jón Björn Hákonarson Vinnumarkaður Skoðun: Kosningar 2022 Framsóknarflokkurinn Sveitarstjórnarkosningar 2022 Mest lesið Halldór 23.8.2025 Halldór Okkar lágkúrulega illska Lóa Hlín Hjálmtýsdóttir Skoðun Ég vildi óska þess að ég hefði hreinlega fengið krabbamein Íris Elfa Þorkelsdóttir Skoðun Andaðu rólega elskan... Ester Hilmarsdóttir Skoðun Kópavogsleiðinn Ragnar Þór Pétursson Skoðun Fjárfestum í fyrsta bekk, frekar en fangelsum Hjördís Eva Þórðardóttir Skoðun Skólaskætingur Þórdís Kolbrún R. Gylfadóttir Skoðun „I believe the children are our future…“ Karen Rúnarsdóttir Skoðun Ný sókn í menntamálum Guðmundur Ari Sigurjónsson Skoðun Þéttingarstefnan hefur brugðist og Dóra breytir um umræðuefni Aðalsteinn Haukur Sverrisson Skoðun Skoðun Skoðun Heildstætt heilbrigðiskerfi – hagur okkar allra Alma D. Möller skrifar Skoðun Vanþekking eða vísvitandi blekkingar? Hjörtur J. Guðmundsson skrifar Skoðun „I believe the children are our future…“ Karen Rúnarsdóttir skrifar Skoðun Mikilvægi félagasamtaka og magnað maraþon Þuríður Harpa Sigurðardóttir skrifar Skoðun Allt sem ég þarf að gera Dagbjartur Kristjánsson skrifar Skoðun Eldri borgarar – áhrif aðildar að Evrópusambandinu (ESB) Þorvaldur Ingi Jónsson skrifar Skoðun Meiri gæði og mun minni álögur - Hveragerðisleiðin í leikskólamálum Jóhanna Ýr Jóhannsdóttir,Sandra Sigurðardóttir,Dagný Sif Sigurbjörnsdóttir,Halldór Benjamín Hreinsson,Njörður Sigurðsson skrifar Skoðun Reykjavíkurborg stígur fyrsta skrefið í snjallvæðingu umferðarljósa! Einar Sveinbjörn Guðmundsson skrifar Skoðun Framtíðin í fyrsta sæti – mikilvægi forgangsröðunar á tillögum Kópavogsbæjar í grunnskólamálum Sigrún Ólöf Ingólfsdóttir skrifar Skoðun Notkun ökklabanda Guðmundur Ingi Þóroddsson skrifar Skoðun Skólaskætingur Þórdís Kolbrún R. Gylfadóttir skrifar Skoðun Þéttingarstefnan hefur brugðist og Dóra breytir um umræðuefni Aðalsteinn Haukur Sverrisson skrifar Skoðun Ný sókn í menntamálum Guðmundur Ari Sigurjónsson skrifar Skoðun Þjóðarmorð, fálmandi mjálm eða aðgerðir? Viðar Hreinsson skrifar Skoðun Vin í eyðimörkinni – almenningsbókasöfn borgarinnar Sanna Magdalena Mörtudóttir skrifar Skoðun Er Akureyri að missa háskólann sinn? Aðalbjörn Jóhannsson skrifar Skoðun Tíu staðreyndir um alvarlegustu kvenréttindakrísu heims Stella Samúelsdóttir skrifar Skoðun Ég vildi óska þess að ég hefði hreinlega fengið krabbamein Íris Elfa Þorkelsdóttir skrifar Skoðun Mestu aularnir í Vetrarbrautinni Kári Helgason skrifar Skoðun Fjárfestum í fyrsta bekk, frekar en fangelsum Hjördís Eva Þórðardóttir skrifar Skoðun Eftirlíking vitundar og hætturnar sem henni fylgja Þorsteinn Siglaugsson skrifar Skoðun Andaðu rólega elskan... Ester Hilmarsdóttir skrifar Skoðun Gagnvirkni líkama og vitundar til heilbrigðis Þórdís Hólm Filipsdóttir skrifar Skoðun Nýjar lausnir í kennslu – gamlar hindranir Bogi Ragnarsson skrifar Skoðun Kópavogsleiðinn Ragnar Þór Pétursson skrifar Skoðun Samstarf sem skilar raunverulegum loftslagsaðgerðum Nótt Thorberg skrifar Skoðun Lærum að lesa og reikna Jón Pétur Zimsen skrifar Skoðun Loforðið sem borgarstjóri gleymdi Magnea Gná Jóhannsdóttir skrifar Skoðun Kristrún, það er bannað að plata Snorri Másson skrifar Skoðun Öndunaræfingar í boði SFS Vala Árnadóttir skrifar Sjá meira
Fjarðabyggð hefur í gegnum tíðina búið vel að því öfluga atvinnulífi sem hér er og eru fyrirtæki í Fjarðabyggð með þeim stærstu og öflugustu hérlendis á sviði í sjávarútvegi og álframleiðslu. Þá hafa minni og meðalstór fyrirtæki haslað sér hér völl í þjónustu við ýmsa atvinnustarfsemi á svæðinu og þar hefur orðið til mikil og öflug þekking sem nýtist samfélaginu hér vel sem og landinu öllu. Þegar kemur að öflugu atvinnulífi er nauðsynlegt að yfirvöld séu sífellt á vaktinni, hlúi vel að því atvinnulífi sem fyrir er, en einnig hugi að nýjum tækifærum sem skapast. Þar hefur Fjarðabyggð lengi verið framarlega í flokki. Við höfum verið opinn fyrir uppbyggingun nýrra atvinnutækifæra og má þar nefna t.d. fiskeldi og ferðaþjónustu sem á síðustu árum hefur byggst hratt upp í sveitarfélaginu. Framundan eru svo mörg tækifæri fyrir okkur. Eitt af þeim stærri er uppbygging á grænum orkugarði á Reyðarfirði en Fjarðabyggð hefur undanfarið ár unnið að því í samstarfi við danska fjárfestingasjóðinn CIP. Þarna er um risavaxið verkefni að ræða sem gæti, ef allt gengur upp, gert Fjarðabyggð að miðstöð orkuskipta á Íslandi, og mikilvægan hlekk í því að Íslendingar standi við alþjóðlegar skuldbindingar sínar þegar kemur að orkuskiptum. Grunnur hins græna orkugarðs sem hugmyndir eru uppi um á Reyðarfirði er framleiðsla á vetni. Við framleiðslu þess falla til hliðarafurðir s.s. súrefni og heitt vatn þannig að til getur orðið samfélag fyrirtækja sem kjósa að staðsetja sig á sama stað og nýta áðurnefndar hliðarafurðir. Þannig verður til hringrásarhagkerfi sem tryggir að þær orkuafurðir sem til verða séu fullnýttar og skapi þannig mikil verðmæti, jafnvel í samstarfi við fyrirtæki í Fjarðabyggð. Um leið gæti verkefnið spilað stórt hlutverk í að Íslandi verði kleift að standa við skuldbindingar um orkuskipti innanlands. Framtíðin er græn í Fjarðabyggð. Það er ánægjulegt til þess að vita að horft sé til Fjarðabyggðar sem samstarfaðila í slíku verkefni sem grænn orkugarður er. Það er enginn tilviljun. Bæjaryfirvöld, starfsmenn sveitarfélagsins og samfélagið allt hefur sýnt það að okkur er full treystandi sem samstarfaðila í slíkum verkefnum og til þess er horft. Störf án staðsetningar En þetta er ekki það eina. Samhliða þessu stóra verkefni þarf að huga að öðrum þáttum. Þar horfum við framsóknarmenn til þeirra tækifæra sem liggja í störfum án staðasetningar. Þrátt fyrir að COVID-19 hafi reynt á okkur öll og samfélagið í heild þá hefur faraldurinn engu að síður opnað augu okkar fyrir tækifærum sem voru fjarlæg áður. Þannig hefur ný sýn nú opnast á að hægt sé að sinna mörgum störfum óháð staðsetningu. Ungt fólk í dag horfir í ríkum mæli til þess að getað valið sér störf sem gera því kleift að búa á landsbyggðinni. Stjórnvöld hafa auk þess sett sér markmið í byggðaáætlun um að fjölga til muna störfum án staðsetningar, ljóst er að tryggja þarf að orð og efndir í þessum málum fari saman og halda þarf uppi þrýstingi á ríkisvaldið að hrinda þessum áformum í framkvæmd. En það er ekki nóg. Sveitarfélög um landið þurfa einnig að hafa nauðsynlega innviði til staðar svo þetta sé hægt. Þar á Fjarðabyggð að stíga sterkt til jarðar og tryggja að fólk sem kýs að búa hér, en vinna í fyrirtækjum eða stofnunum sem staðsett eru á höfuðborgarsvæðinu eða erlendis, eigi þess kost að sitjast hér að og hafa aðgang að þeirri vinnuaðstöðu sem nauðsynleg er. Uppbygging klasa eins og svo myndarlega hefur risið á Norðfirði í Múlanum, þarf að verða víðar og þar þurfa sveitarfélög og ríki að leggja hönd á plóg svo það megi verða að veruleika. Þar þurfa bæjaryfirvöld að koma inn í og vinna að slíku eins og kostur er í hverfum okkar. Framsókn vill öflugt og fjölbreytt atvinnulíf Framsókn í Fjarðabyggð vill halda áfram að renna styrkum stoðum undir hið öfluga atvinnulíf sem hér er að finna. Það er ljóst að tækifærin eru víða og við þurfum að halda áfram að skoða þau, vega og meta, og grípa þau sem okkur lýst vel á. Mikið hefur verið unnið í þessum málum undanfarin ár og nauðsynlegt að sú vinna haldi áfram. Framsókn í Fjarðabyggð vill halda áfram að leggja þar sitt af mörkum ef við fáum til þess stuðning í sveitarstjórnarkosningunum þann 14.maí nk. Höfundur er bæjarstjóri Fjarðabyggðar og situr í 1. sæti á framboðslista Framsóknarflokksins í Fjarðabyggð.
Skoðun Meiri gæði og mun minni álögur - Hveragerðisleiðin í leikskólamálum Jóhanna Ýr Jóhannsdóttir,Sandra Sigurðardóttir,Dagný Sif Sigurbjörnsdóttir,Halldór Benjamín Hreinsson,Njörður Sigurðsson skrifar
Skoðun Reykjavíkurborg stígur fyrsta skrefið í snjallvæðingu umferðarljósa! Einar Sveinbjörn Guðmundsson skrifar
Skoðun Framtíðin í fyrsta sæti – mikilvægi forgangsröðunar á tillögum Kópavogsbæjar í grunnskólamálum Sigrún Ólöf Ingólfsdóttir skrifar
Skoðun Þéttingarstefnan hefur brugðist og Dóra breytir um umræðuefni Aðalsteinn Haukur Sverrisson skrifar