Handbolti

Hafþór til Þýskalands eftir tímabilið

Ingvi Þór Sæmundsson skrifar
Empor Rostock verður fyrsti áfangastaður Hafþórs Más Vignissonar í atvinnumennsku.
Empor Rostock verður fyrsti áfangastaður Hafþórs Más Vignissonar í atvinnumennsku. Empor Rostock

Handboltamaðurinn Hafþór Már Vignisson gengur í raðir þýska B-deildarliðsins Empor Rostock frá Stjörnunni í sumar. Hann hefur skrifað undir tveggja ára samning við Empor Rostock.

Hafþór er á sínu öðru tímabili hjá Stjörnunni en hann kom til liðsins frá ÍR 2020. Hann lék áður með Þór Akureyri.

Hinn 22 ára Hafþór er næstmarkahæsti leikmaður Stjörnunnar í Olís-deildinni með áttatíu mörk og var valinn besti leikmaður fyrri hluta tímabilsins af Seinni bylgjunni.

Empor Rostock er í 8. sæti þýsku B-deildarinnar með 27 stig eftir 26 leiki. Liðið er ellefu stigum frá 2. sætinu sem gefur sæti í þýsku úrvalsdeildinni á næsta tímabili.

Empor Rostock er gamalgróið félag en það varð meðal annars tíu sinnum meistari í Austur-Þýskalandi, níu sinnum bikarmeistari og varð Evrópumeistari bikarhafa 1982.

Þýski handboltinn Olís-deild karla Stjarnan

Mest lesið


Fleiri fréttir

Sjá meira


×

Mest lesið