Elvar vann stórsigur í Íslendingaslag | Tryggvi og félagar töpuðu

Nokkuð jafnræði var með liðunum í fyrri hálfleik í leik Antwerp Giants og Zwolle, en þegar gengið var til búningsherbergja var staðan 50-44, heimamönnum í Antwerp í vil.

Elvar og félagar tóku svo öll völd á vellinum í þriðja leikhluta þar sem þeir juku forskot sitt í 25 stig áður en komið var að lokaleikhlutanum. Þeir unnu að lokum öruggan 32 stiga sigur, 102-70.

Elvar Már skoraði ellefu stig fyrir Antwerp Giants, en ásamt því tók hann fjögur fráköst og gaf hvorki meira né minna en þrettán stoðsendingar. Þórir skoraði tólf stig fyrir Zwolle,  tók sjö fráköst og gaf tvær stoðsendingar.

Á Spáni þurftu Tryggvi Snær Hlinason og félagar hans í Zaragoza að sætta sig við tíu stiga tap gegn Gran Canaria, 86-76, í leik þar sem annar leikhluti varð þeim að falli. Tryggvi skoraði átta stig fyrir Zaragoza.