Lykillinn að góðum svefni finnst í sænskum skógi

Framleiðslan fer fram í lítilli verksmiðju við vatnið Mälaren í þorpinu Kungsör og segir Maarten umhverfið skila sér beint inn á verkstæðið.

„Umhverfið er okkur mjög mikilvægt. Yfir sumartímann eyðum við miklum tíma á vatninu og fáum einnig innblástur úr skóginum hér í kring en bærinn Kungsör er umlukinn þéttum skógi. Við viljum koma þessari tilfinningu til skila, að verða eitt með náttúrunni og reynum að túlka það gegnum rúmin. Okkar markmið er þægindi og lúxushvíld fyrir alla. 

Ég hef alla mína þekkingu og reynslu frá Hästens en þar vann ég í yfir tuttugu ár. Fyrir þremur árum ákvað ég að stofna eigið fyrirtæki og með mér hjá Dorbien starfa nú tuttugu manns. Samanlagt búum við yfir 175 ára þekkingu á hönnun og framleiðslu lúxus-svefnlausna. Við erum lítið fyrirtæki sem gerir mjög góða hluti,“ segir Maarten enda hefur Dorbien vaxið jafnt og þétt.

„Við seljum í Svíþjóð og til Danmerkur, Hollands, Belgíu og Spánar. Við erum nokkuð ný á markaðnum hér á Íslandi en við hófum samstarf við Vogue fyrir heimilið fyrir um hálfu ári. Við hlökkum mikið til að vinna með Íslendingum og teljum okkar vöru fela í sér nýja reynslu fyrir Íslendinga. 

Þörfin fyrir góða dýnu er mikil. Góður svefn er okkur svo mikilvægur og ég vil meina að rúmið sé jafnmikilvægt og góðir skór. Við eyðum oft 14 tímum á dag í sömu skónum og finnum vel fyrir því ef skórnir veita okkur ekki nægan stuðning. Eins eyðum við þriðjungi ævinnar í rúminu og heilsa okkar, bæði andleg og líkamleg, veltur á því að við sofum vel.“

Dorbien rúmin eru handgerð og sænskur viður í öllu burðarvirki í rúmgrindinni. Mótorarnir koma frá Danmörku og talalay latex, ull og bómull er notuð í rúmdýnurnar. Í nokkrar gerðir eru einnig notuð hrosshár í dýnuna og allt gert til þess að loftunin sé sem best um rúmið. Dorbien framleiðir rúm eftir séróskum hvað varðar stífleika dýnunnar, áklæði, lit og fætur undir rúmgrindina og 20 ára ábyrgð er á rúminu.

Maarten segir vandasamt að finna réttu dýnuna en með réttri leiðsögn og ráðleggingum ætti hver og einn að finna dýnuna sem skilar viðkomandi þeirri lúxusupplifun sem Dorbien stendur fyrir.

„Það tekur tíma að finna rétta dýnu og á að taka tíma. Þetta er ekki eins og að kaupa í matinn. Við erum öll ólík og með ólíkar þarfir og Dorbien kemur til móts við fólk á öllum aldri. Hjá okkur er hægt að velja milli 12 ólíkra rúma og 12 ólíkra verðflokka en verðið er þó ekki sá meginþáttur sem horfa á í. Góð hvíld fyrir líkama og huga, gæði svefns, umhverfið og ending rúmsins er það sem skiptir máli,“ segir Maarten.