Vilja gera út af við áform Landsnets með breyttu aðalskipulagi Óttar Kolbeinsson Proppé skrifar 16. desember 2021 18:30 Ásgeir Eiríksson, bæjarstjóri Voga, segir afstöðu sveitarfélagsins hafa verið skýra frá upphafi; jarðstrengur skal það verða. vísir/arnar Sveitarfélagið Vogar stendur eitt í vegi fyrir því að framkvæmdir við Suðurnesjalínu tvö geti hafist. Bæjarstjónin samþykkti tillögu að nýju aðalskipulagi í gær þar sem möguleiki á lagningu loftlínu er útilokaður. Ferlið við að koma á annarri flutningsleið raforku á Suðurnesin hefur verið í gangi í um tvo áratugi. Það hefur verið langt og strembið og þess vegna þarf kannski ekki að koma neinum á óvart að málið er enn og aftur komið í uppnám. Og málið strandar nú algerlega á sveitarfélaginu Vogum. Öll hin sveitarfélögin sem koma að málinu, Reykjanesbær, Grindavík og Hafnarfjörður hafa þegar veitt Landsneti framkvæmdaleyfi fyrir lagningu Suðurnesjalínu 2. Vogar höfnuðu því hins vegar og hófu í gær ferli við að breyta aðalskipulagi sínu til að koma endanlega í veg fyrir að Landsnet fái sínu framgengt. Deilurnar snúast ekki um hvort þörf sé á línunni heldur hvernig hún verði útfærð. Landsnet vill leggja aðra loftlínu við hlið Suðurnesjalínu 1 en Vogum finnst skapast allt of mikil sjónmengun af því. Því vill bærinn að línan verði lögð í jörðu. Núverandi aðalskipulag Voga leyfir báða kosti en nú stendur til að breyta því. Þá útilokiði alveg þann möguleika að hún verði í lofti? „Já, eftir að hið nýja aðalskipulag tekur gildi þá er það það eina sem leyft verður,“ segir Ásgeir Eiríksson, bæjarstjóri Voga. Þetta stangast þó á við kerfisáætlun Landsnets, sem sveitarfélögum er skylt að taka mið af samkvæmt lögum, og við svæðisskipulag Suðurnesja, sem gerir ráð fyrir að sveitarfélögin leyfi báða kosti. Stærstur hluti Suðurnesjalínu 1 liggur í gegn um Voga. Landsnet vill reisa aðra loftlínu við hlið hennar en Vogar vilja setja hana í jörðu.vísir/arnar „En það er hins vegar alveg rétt að svæðisskipulagið er þarna líka og það þarf þá, til að þetta öðlist allt gildi, væntanlega að uppfæra það til samræmis við þetta,“ segir Ásgeir. Til að ná fram breytingum á skipulagsáætlun Suðurnesja verða þó öll sveitarfélög sem koma að henni að samþykkja þær. Þar sem Vogar standa einir í baráttu sinni fyrir jarðstreng má auðvitað velta því fyrir sér hvort hin sveitarfélögin hleypi slíkum breytingum í gegn. Taka umsókn Landsnets aftur fyrir Úrskurðarnefnd umhverfis- og auðlindamála felldi ákvörðun Voga um að synja Landsneti um framkvæmdaleyfi fyrir loftlínu úr gildi í október. Sú umsókn er því aftur til meðferðar hjá sveitarfélaginu. „Við erum þessa dagana að ganga frá ráðningu verkefnastjóra sem við munum fá til aðstoðar til þess að ganga úr skugga um það að okkar aðkoma að umfjölluninni sé rétt og vel gerð og vel að henni staðið,“ segir Ásgeir. Þannig verði gengið úr skugga um að brugðist verði við þeim ábendingum sem úrskurðarnefndin beindi til sveitarfélagsins þegar fyrri ákvörðun um synjun var felld úr gildi. Í þeim úrskurði má reyndar hálfpartinn lesa að nefndin sé að beina því til sveitarfélagsins að veita leyfið fyrir loftlínu. En liggur ekki í augum uppi að henni verði synjað aftur ef þið eruð að breyta núna aðalskipulagi þar sem þið eruð að banna loftlínu? „Sko það má ekki gleyma því að sveitarstjórnin getur markað sér stefnu að sjálfsögðu. En að sama skapi þarf hún að fara að lögum og gæta að þeim sjónarmiðum sem okkur er gert að uppfylla samkvæmt gildandi lögum,“ segir Ásgeir. Það verði síðan að koma í ljós þegar þar að kemur hver niðurstaðan verði þegar búið er að fara yfir umsóknina á ný. „En það er alveg rétt sem þú segir að afstaðan er alveg ljós. En við, stjórnsýslan og sveitarstjórnin hér, munum að sjálf sögðu axla ábyrgð hvað varðar málefnalega umfjöllun á þessa umsókn.“ Suðurnesjalína 2 Vogar Orkumál Reykjanesbær Grindavík Hafnarfjörður Tengdar fréttir Framkvæmd Suðurnesjalínu 2 í uppnámi Fyrirhuguð framkvæmd Landsnets á Suðurnesjalínu 2 er komin í uppnám að sögn upplýsingafulltrúa Landsnets, Steinunnar Þorsteinsdóttir. Þetta kemur þeim sem fylgst hafa með málinu kannski ekki á óvart en það hefur farið fram og til baka í kerfinu síðan árið 2008, þegar leggja átti svonefnda Suðvesturlínu. 19. maí 2021 06:16 Mest lesið „Af hverju ertu svona í framan?“ Innlent Var að streyma á TikTok þegar hann féll til jarðar og lést Erlent Alelda bíll á Reykjanesbraut Innlent Kurr innan Samfylkingarinnar vegna brottvísunar ungbarna Innlent Safnaði í bálköst innandyra en kennir stundarbrjálæði um íkveikjuna Innlent Tætir í sig leikskólaplan borgarinnar: Segir Reykjavík taka skref aftur á bak Innlent Fjöldi án rafmagns vegna vonskuveðurs í Noregi Erlent „Algjörlega alveg út í hött“ Innlent Boða íbúafundi vegna mögulegrar sameiningar sveitarfélaganna Innlent Skipar Ísraelum að hætta að sprengja Erlent Fleiri fréttir Eldur í þvottahúsi á Granda Prestur og prófastur bíður spenntur eftir Hrútaskránni Kurr innan Samfylkingarinnar vegna brottvísunar ungbarna Fokdýrar flugferðir, ögurstund á Gasa og óvenjulegt innbrot Boða íbúafundi vegna mögulegrar sameiningar sveitarfélaganna Alelda bíll á Reykjanesbraut Framkvæmdirnar komi eftir ákall frá íbúum Safnaði í bálköst innandyra en kennir stundarbrjálæði um íkveikjuna Skrítin afstaða BSRB og ASÍ Tekist á um leikskólamál og árásir á Gasa Umfangsmikil flugslysaæfing á Reykjavíkurflugvelli Tætir í sig leikskólaplan borgarinnar: Segir Reykjavík taka skref aftur á bak Rannsaka mögulega stunguárás Göngu- og hjólabrýr yfir Elliðaár opnast „Af hverju ertu svona í framan?“ „Algjörlega alveg út í hött“ Umferðin færist inn á íbúðagötur Andar sem eru ekki hér en voru í myndinni þeir sveima og fylgjast með Dugar ekki lengur að dorga og nú þurfi að kasta út neti Vann á öllum deildum leikskólans Segja Rússa heyja stríð við Vesturlönd og síðustu ævidagarnir á Grund „Kópavogsmódelið er ekkert annað en þjónustuskerðing“ Nýsestur á skrifstofunni þegar hann fékk bíl í flasið Starfsmaður á Brákarborg grunaður um kynferðisbrot Fresta framkvæmdum vegna veðurs Sýnist komið að seinni hluta í eldsumbrotum í Sundhnúksgígaröðinni Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Tillögurnar í leikskólamálum séu vonbrigði og uppgjöf Sjá meira
Ferlið við að koma á annarri flutningsleið raforku á Suðurnesin hefur verið í gangi í um tvo áratugi. Það hefur verið langt og strembið og þess vegna þarf kannski ekki að koma neinum á óvart að málið er enn og aftur komið í uppnám. Og málið strandar nú algerlega á sveitarfélaginu Vogum. Öll hin sveitarfélögin sem koma að málinu, Reykjanesbær, Grindavík og Hafnarfjörður hafa þegar veitt Landsneti framkvæmdaleyfi fyrir lagningu Suðurnesjalínu 2. Vogar höfnuðu því hins vegar og hófu í gær ferli við að breyta aðalskipulagi sínu til að koma endanlega í veg fyrir að Landsnet fái sínu framgengt. Deilurnar snúast ekki um hvort þörf sé á línunni heldur hvernig hún verði útfærð. Landsnet vill leggja aðra loftlínu við hlið Suðurnesjalínu 1 en Vogum finnst skapast allt of mikil sjónmengun af því. Því vill bærinn að línan verði lögð í jörðu. Núverandi aðalskipulag Voga leyfir báða kosti en nú stendur til að breyta því. Þá útilokiði alveg þann möguleika að hún verði í lofti? „Já, eftir að hið nýja aðalskipulag tekur gildi þá er það það eina sem leyft verður,“ segir Ásgeir Eiríksson, bæjarstjóri Voga. Þetta stangast þó á við kerfisáætlun Landsnets, sem sveitarfélögum er skylt að taka mið af samkvæmt lögum, og við svæðisskipulag Suðurnesja, sem gerir ráð fyrir að sveitarfélögin leyfi báða kosti. Stærstur hluti Suðurnesjalínu 1 liggur í gegn um Voga. Landsnet vill reisa aðra loftlínu við hlið hennar en Vogar vilja setja hana í jörðu.vísir/arnar „En það er hins vegar alveg rétt að svæðisskipulagið er þarna líka og það þarf þá, til að þetta öðlist allt gildi, væntanlega að uppfæra það til samræmis við þetta,“ segir Ásgeir. Til að ná fram breytingum á skipulagsáætlun Suðurnesja verða þó öll sveitarfélög sem koma að henni að samþykkja þær. Þar sem Vogar standa einir í baráttu sinni fyrir jarðstreng má auðvitað velta því fyrir sér hvort hin sveitarfélögin hleypi slíkum breytingum í gegn. Taka umsókn Landsnets aftur fyrir Úrskurðarnefnd umhverfis- og auðlindamála felldi ákvörðun Voga um að synja Landsneti um framkvæmdaleyfi fyrir loftlínu úr gildi í október. Sú umsókn er því aftur til meðferðar hjá sveitarfélaginu. „Við erum þessa dagana að ganga frá ráðningu verkefnastjóra sem við munum fá til aðstoðar til þess að ganga úr skugga um það að okkar aðkoma að umfjölluninni sé rétt og vel gerð og vel að henni staðið,“ segir Ásgeir. Þannig verði gengið úr skugga um að brugðist verði við þeim ábendingum sem úrskurðarnefndin beindi til sveitarfélagsins þegar fyrri ákvörðun um synjun var felld úr gildi. Í þeim úrskurði má reyndar hálfpartinn lesa að nefndin sé að beina því til sveitarfélagsins að veita leyfið fyrir loftlínu. En liggur ekki í augum uppi að henni verði synjað aftur ef þið eruð að breyta núna aðalskipulagi þar sem þið eruð að banna loftlínu? „Sko það má ekki gleyma því að sveitarstjórnin getur markað sér stefnu að sjálfsögðu. En að sama skapi þarf hún að fara að lögum og gæta að þeim sjónarmiðum sem okkur er gert að uppfylla samkvæmt gildandi lögum,“ segir Ásgeir. Það verði síðan að koma í ljós þegar þar að kemur hver niðurstaðan verði þegar búið er að fara yfir umsóknina á ný. „En það er alveg rétt sem þú segir að afstaðan er alveg ljós. En við, stjórnsýslan og sveitarstjórnin hér, munum að sjálf sögðu axla ábyrgð hvað varðar málefnalega umfjöllun á þessa umsókn.“
Suðurnesjalína 2 Vogar Orkumál Reykjanesbær Grindavík Hafnarfjörður Tengdar fréttir Framkvæmd Suðurnesjalínu 2 í uppnámi Fyrirhuguð framkvæmd Landsnets á Suðurnesjalínu 2 er komin í uppnám að sögn upplýsingafulltrúa Landsnets, Steinunnar Þorsteinsdóttir. Þetta kemur þeim sem fylgst hafa með málinu kannski ekki á óvart en það hefur farið fram og til baka í kerfinu síðan árið 2008, þegar leggja átti svonefnda Suðvesturlínu. 19. maí 2021 06:16 Mest lesið „Af hverju ertu svona í framan?“ Innlent Var að streyma á TikTok þegar hann féll til jarðar og lést Erlent Alelda bíll á Reykjanesbraut Innlent Kurr innan Samfylkingarinnar vegna brottvísunar ungbarna Innlent Safnaði í bálköst innandyra en kennir stundarbrjálæði um íkveikjuna Innlent Tætir í sig leikskólaplan borgarinnar: Segir Reykjavík taka skref aftur á bak Innlent Fjöldi án rafmagns vegna vonskuveðurs í Noregi Erlent „Algjörlega alveg út í hött“ Innlent Boða íbúafundi vegna mögulegrar sameiningar sveitarfélaganna Innlent Skipar Ísraelum að hætta að sprengja Erlent Fleiri fréttir Eldur í þvottahúsi á Granda Prestur og prófastur bíður spenntur eftir Hrútaskránni Kurr innan Samfylkingarinnar vegna brottvísunar ungbarna Fokdýrar flugferðir, ögurstund á Gasa og óvenjulegt innbrot Boða íbúafundi vegna mögulegrar sameiningar sveitarfélaganna Alelda bíll á Reykjanesbraut Framkvæmdirnar komi eftir ákall frá íbúum Safnaði í bálköst innandyra en kennir stundarbrjálæði um íkveikjuna Skrítin afstaða BSRB og ASÍ Tekist á um leikskólamál og árásir á Gasa Umfangsmikil flugslysaæfing á Reykjavíkurflugvelli Tætir í sig leikskólaplan borgarinnar: Segir Reykjavík taka skref aftur á bak Rannsaka mögulega stunguárás Göngu- og hjólabrýr yfir Elliðaár opnast „Af hverju ertu svona í framan?“ „Algjörlega alveg út í hött“ Umferðin færist inn á íbúðagötur Andar sem eru ekki hér en voru í myndinni þeir sveima og fylgjast með Dugar ekki lengur að dorga og nú þurfi að kasta út neti Vann á öllum deildum leikskólans Segja Rússa heyja stríð við Vesturlönd og síðustu ævidagarnir á Grund „Kópavogsmódelið er ekkert annað en þjónustuskerðing“ Nýsestur á skrifstofunni þegar hann fékk bíl í flasið Starfsmaður á Brákarborg grunaður um kynferðisbrot Fresta framkvæmdum vegna veðurs Sýnist komið að seinni hluta í eldsumbrotum í Sundhnúksgígaröðinni Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Tillögurnar í leikskólamálum séu vonbrigði og uppgjöf Sjá meira
Framkvæmd Suðurnesjalínu 2 í uppnámi Fyrirhuguð framkvæmd Landsnets á Suðurnesjalínu 2 er komin í uppnám að sögn upplýsingafulltrúa Landsnets, Steinunnar Þorsteinsdóttir. Þetta kemur þeim sem fylgst hafa með málinu kannski ekki á óvart en það hefur farið fram og til baka í kerfinu síðan árið 2008, þegar leggja átti svonefnda Suðvesturlínu. 19. maí 2021 06:16