Innlent

Fella niður skóla­hald vegna fjölda smitaðra

Vésteinn Örn Pétursson skrifar
Hlíðaskóli í Reykjavík.
Hlíðaskóli í Reykjavík. Vísir/Vilhelm

Skólahald í Hlíðaskóla verður fellt niður á morgun, mánudag, og á þriðjudaginn vegna fjölda þeirra Covid-smita sem hafa komið upp í skólanum.

Þetta kemur fram í tilkynningu á vef skólans. Þar segir að ákvörðunin hafi verið tekin í samráði við sóttvarnayfirvöld.

„Allir nemendur þurfa að fara í Covid próf áður en þeir mæta aftur í skólann. Gott er að fara í skimun seinnipart á þriðjudag þannig að svar hafi borist á miðvikudagsmorgun.

Því biðjum við foreldra að fara með þau börn sem hafa verið í sóttkví í PCR próf en allir aðrir nemendur fari í hraðpróf,“ segir í tilkynningunni. Með þessu sé vonast til þess að hægt verði að hefta útbreiðslu veirunnar frekar.

Skóla - og menntamál Reykjavík Faraldur kórónuveiru (COVID-19) Grunnskólar

Mest lesið


Fleiri fréttir

Sjá meira


×

Mest lesið