Skjálfti 3,2 að stærð við Keili

Atli Ísleifsson skrifar 12. nóvember 2021 07:05

Skjálftinn varð um klukkan 5:06 í morgun. Vísir/Vilhelm

Nokkrir jarðskjálftar riðu yfir í nótt samkvæmt töflu Veðurstofunnar. Stærsti skjálftinn var 3,2 stig í grennd við Keili á Reykjanesi og því væntanlega ótengdur stóra skjálftanum sem reið yfir Suðurlandi í gær.

Skjálftinn varð klukkan 5:06 í morgun og voru upptök hans um 3,3 kílómetrum suðsuðvestur af Keili.

Á Suðurlandi hefur jörð þó enn hreyfst og nokkrir skjálftar hafa mælst þar yfir tvö stig að stærð.

Sá stærsti kom rétt fyrir klukkan sex í morgun og mældist 2,7 stig. Annar litlu minni, eða 2,6 stig reið síðan yfir um tíu mínútur fyrir tvö í nótt.

Báðir voru þeir í grennd við Vatnafjöll, eins og stóri skjálftinn í gær sem var 5,2 stig.

Eldgos og jarðhræringar

Tengdar fréttir

Fyrsta sem Drífa gerði var að horfa til Heklu

„Ég náttúrlega stökk út í glugga til að kíkja á Heklu, vinkonu mína. Ég hef hana fyrir augunum og beint úr eldhúsglugganum,“ sagði Drífa Hjartardóttir, fyrrverandi alþingismaður og bóndi á Keldum á Rangárvöllum.

11. nóvember 2021 22:00

Sverrir í Selsundi: „Allt öðruvísi en í skjálftanum 1987“

Sverrir Haraldsson, bóndi í Selsundi á Rangárvöllum, segir skjálftann sem varð á öðrum tímanum í dag hafa verið allt öðruvísi en stóri skjálftinn reið yfir í Vatnafjöllum árið 1987.

11. nóvember 2021 14:51

Skjálfti af stærð 5,2 fannst vel víða á Suðvesturhorninu

Jarðskjálfti af stærðinni 5,2 reið yfir klukkan 13:21 og fannst hann vel á nær öllu suðvesturhorni landsins. Fyrstu mælingar Veðurstofu sýna að hann hafi verið af stærðinni 4,8 en sú tala hefur nú verið uppfærð. Skjálftinn átti upptök sín um 1,9 km Suðvestur af Vatnafjöllum.

11. nóvember 2021 13:29