FM95Blö fagna tíu árum með „stærsta partíi aldarinnar“

Veislan verður ekki af verri endanum en um ræðir stórtónleika í Laugardagshöllinni í samvinnu við Nordic Live Events.

Það verður á mörgu að taka enda fátt sem þeim félögum hefur ekki dottið í hug á þessum áratug. Frumsamin lög, tónlistarmyndbönd, tónleikar og ýmiskonar viðburðir. 

Tónleikarnir verða haldnir þann 14. maí og er miðasalan nú þegar hafin á Tix.is.

Fólk getur byrjað að búa sig undir stærsta partí aldarinnar!

 ....segir Auðunn Blöndal í samtali við Vísi.

Á tónleikunum koma fram bæði íslenskir og erlendir tónlistarmenn og eins og sjá má í klippunni hér fyrir neðan er öllu til tjaldað.