Fótbolti

Rúnar Már og félagar úr leik í Meistaradeildinni

Hjörtur Leó Guðjónsson skrifar
Rúnar Már Sigurjónsson og félagar hans í CFR Cluj eru úr leik í Meistaradeildinni.
Rúnar Már Sigurjónsson og félagar hans í CFR Cluj eru úr leik í Meistaradeildinni. Flaviu Buboi/NurPhoto via Getty Images

Rúnar Már Sigurjónsson og félagar hans í CFR Cluj frá Rúmeníu eru úr leik í Meistaradeildinni eftir 3-1 tap á útivelli gegn svissneska liðinu Young Boys. Fyrri leikurinn endaði 1-1 í Rúmeníu og samanlögð úrslit því 4-2, svissneska liðinu í vil.

Það byrjaði vel fyri Rúnar Má og félaga þegar að Billel Omrani kom Cluj yfir eftir aðeins fjögurra mínútna leik.

Jordan Siebatcheu jafnaði metin fyrir Young Boys á 23. mínútu eftir stoðsendingu frá Nicolas Moumi Ngamaleu.

Ngamaleu skoraði svo sjálfur aðeins tveim mínútum síðar og staðan því orðin 2-1, heimamönnum í vil.

Siebatcheu skoraði svo sitt annað mark þrem mínútum fyrir hálfleik, og kom þá Young Boys í 3-1. Hvorugu liðinu tókst að skora í seinni hálfleik og Young Boys er á leið áfram.

Meistaradeild Evrópu

Mest lesið


Fleiri fréttir

Sjá meira


×

Mest lesið