Kvöldfréttir Stöðvar 2

Þá segjum við frá því að framkvæmdastjóri á spítalanum segir ólíklegt að nokkurt heilbrigðiskerfi í heiminum hafi náð að auka framleiðni sína í heimsfaraldri, en fjármálaráðherra gerði framleiðni kerfisins að umtalsefni sínu á dögunum.

Sósíalistaflokkurinn hefur birt lista sinn í Reykjavíkurkjördæmi norður, en flokkurinn býður nú fram í fyrsta sinn til Alþingis. Gunnar Smári Egilsson, framkvæmdastjóri sósíalista, skipar fyrsta sæti flokksins í kjördæminu, en Sólveig Anna Jónsdóttir, formaður Eflingar, skipar það fjórða.

Við segjum frá mikilli umferð ferðamanna um Friðland að Fjallabaki í sumar en tveir starfsmenn Umhverfisstofnunar hafa eftirlit með svæðinu.

Við sláum síðan botninn í fréttatímann með hundinum Mosa. Hann er starfsmaður á Kleppi, sinnir móttöku nýrra skjólstæðinga og er til staðar fyrir þá sem þurfa á knúsi að halda.

Þetta og fleira í kvöldfréttum Stöðvar 2 klukkan 18:30, í beinni útsendingu á Stöð 2, Bylgjunni og hér á Vísi.