Innlent

Þjófur sló starfs­mann og stakk af

Elma Rut Valtýsdóttir skrifar
Lögreglan á höfuðborgarsvæðinu sinnti þó nokkrum útköllum í gær.
Lögreglan á höfuðborgarsvæðinu sinnti þó nokkrum útköllum í gær. Vísir/Vilhelm

Lögreglan á höfuðborgarsvæðinu var kölluð út í gær vegna þjófnaðar í verslun í miðbæ Reykjavíkur. Í dagbók lögreglu segir að þegar starfsmenn verslunarinnar hafi gert tilraun til þess að yfirbuga þjófinn, hafi hann slegið annan starfsmanninn í andlitið. 

Þá segir að starfsmönnum verslunarinnar hafi þó tekist þó að endurheimta þýfið, en þjófurinn hafi komist undan. Málið er nú í rannsókn lögreglu.

Þá voru tveir ungir menn handteknir í Kópavogi í nótt grunaðir um að hafa stolið bifreið. Mennirnir eru einnig sagðir hafa gert tilraun til þess að stela bifhjóli, en eiganda þess hafi tekist að stöðva þá. Mennirnir voru vistaðir í fangageymslu og er málið til rannsóknar.

Lögreglumál Reykjavík

Mest lesið


Fleiri fréttir

Sjá meira


×

Mest lesið