Bein útsending: Hádegisfréttir Bylgjunnar

Við ræðum við Svandísi Svavarsdóttur sem greindi einnig frá því að þann 25. júní næstkomandi verði búið að bjóða öllum landsmönnum, 16 ára og eldri, að koma í bólusetningu.

Þá ræðum við einnig stöðuna á Alþingi en þingflokksformaður Sjálfstæðismanna segir Pírata hafa skotið tundurskeyti á samningaviðræðurnar um þinglok.

Einnig verður rætt við forstjóra Play en hann segir bakslag hafa komið í breska ferðamannamarkaðinn þegar Portúgal var tekið af grænum lista af stjórnvöldum og fjöllum um G7 fundinn sem fram fer á Englandi.