Fótbolti

Ron­aldo og Fernandes á meðal markaskorara í síðasta prófinu fyrir EM

Anton Ingi Leifsson skrifar
Bruno Fernandes, Diego Jota og Ronaldo fagna fyrra markinu í kvöld.
Bruno Fernandes, Diego Jota og Ronaldo fagna fyrra markinu í kvöld. Gualter Fatia/Getty Images

Portúgal vann 4-0 sigur á Ísrael í síðasta leiknum fyrir Evrópumótið sem hefst um helgina.

Bruno Fernandes kom Portúgal yfir á 42. mínútu og hann lagði svo upp annað markið fyrir Cristinao Ronaldo tveimur mínútum síðar.

Þriðja markið kom ekki fyrr en á 86. mínútu en þá skoraði Joao Cancelo og fjórða markið gerði Bruno Fernandes í uppbótartíma.

Lokatölur 4-0 en Portúgal er í riðli með Ungverjalandi, Þýskalandi og Frakklandi.

Fyrsti leikur liðsins er gegn Ungverjalandi á þriðjudag og fer leikurinn fram í Búdapest.

EM 2020 verður sýnt á Stöð 2 Sport EM 2020 sem er hluti af Sportpakkanum, Stóra pakkanum og Risapakkanum. EM 2020 verður einnig hægt að kaupa stakt á kr. 6.990 en fyrir viðskiptavini með aðra áskrift en ofangreindar frá Stöð 2 kostar áskriftin kr. 3.990.

EM 2020 í fótbolta

Mest lesið


Fleiri fréttir

Sjá meira


×

Mest lesið