Elsti Íslandsmeistari sögunnar: Snóker var forboðin íþrótt Jakob Bjarnar skrifar 24. maí 2021 20:01 Gunnar Hreiðarsson verður 52 ára gamall í ágúst sem gerir hann að elsta Íslandsmeistara sögunnar í snóker. aðsend Gunnar Hreiðarsson er elsti Íslandsmeistari í Snóker frá upphafi en hann sigraði Jón Inga Ægisson frá Keflavík í úrslitaleik um síðustu helgi. Vinsældir Snóker-íþróttarinnar hafa verið sveiflukenndar í gegnum tíðina. Og reyndar var það svo þegar Gunnar var að feta sín fyrstu spor í snóker hafði íþróttin á sér nokkuð slæmt orð. „Ég verð 52 í ágúst. Háaldraður maðurinn. Ég hef verið að fikta í þessu í fjörutíu ár, byrjaði 12 ára þannig að það er kominn smá tími hjá mér. Ég byrjaði í þessu í félagsheimilunum, Fellahelli í Breiðholti og rambaði aðeins inná Klöppina, sem ég hafði ekki aldur til að vera á. Hékk í sjoppunni og sá inn,“ segir Gunnar og er þá að tala um hina sögufrægu Billiardsstofu á Klapparstíg. Snókerinn hafði á sér vafasamt orð Á Klöppinni sá hinn hrifnæmi og áhugasami ungi drengur úr Breiðholtinu þjóðþekkta menn á borð við Eggert Þorleifs leikara, Dóra Braga blúshund og Gústa rót leika listir sínar. Gunnar kampakátur með bikara eftir að hafa sigrað á Íslandsmótinu í Snóker um síðustu helgi.aðsend „Rosalega gaman an sjá þessa kláru kalla. Og mest spennandi var að fá ekki að fara inn en fékk samt að sjá,“ segir Gunnar. En fyrir framan stofuna, í einskonar fordyri var rekin sjoppa sem bæði þjónaði þeim sem komu inn og þeim sem fyrir innan voru. En Gunnar hafði aðgang að snókerborði í Fellahelli og svo opnaði Júnóís í Skipholti sem var mjög vinsæll staður. „Aftur var maður ekki með aldur en fékk að læðast inn og sjá.“ En á þeim tíma hafði snókerinn ekki mjög gott orð á sér og taldist af broddborgurum landsins vera spillt atferli sem tengdist reykingum, drykkju og fjárhættuspili. „Já, það var þannig. Smá vínandi í kringum þetta. Það vildi enginn hafa unga fólkið í kringum þetta; svo lestirnir smituðust ekki yfir í það.“ En fljótlega upp úr þessu varð viðhorfsbreytingin, tíðarandinn breyttist. „Það náðist að vinna sig í gegnum það þegar ég er að verða 16 ára. Þá voru komnar ýmsar stofur og uppúr því voru mót haldin þar sem mikil þátttaka var. Kannski um 50 til 70 manns í þessu. Þá var þetta alvöru íþrótt. Sem svo vatt uppá sig, þegar nýr hópur kom inn sem urðu virkilega góður og keppnishæfir. Þetta fór úr því að vera illræmt yfir í „betra“ sport. Vinsælla og viðurkenndara. Ekki var leyfð drykkja og þá varð þetta að íþrótt. Þetta er flott íþrótt og flott sjónvarpsefni. Mjög vinsælt sem slíkt.“ Gömlu skarfarnir þéttir fyrir á fleti Síðan hafa vinsældirnar gengið upp og niður og má segja að snókerinn sé í lægð núna. Snookerstofurnar eru bara tvær í Reykjavík núna og Gunnari er kunnugt um eina í Eyjum. Þá er það upp talið. Gunnar segir að hann hafi ekki tölu á hversu margar þær voru þegar best lét, örugglega vel á 3. tug á sínum tíma. Að sögn Gunnars vantar að vekja áhugann. Hann segir að nú séu margir gamlir jaxlar í þessu og Íslandsmótið að þessu sinni hafi samanstaðið af þátttakendum sem eru meira og minna 35 ára og eldri. Margir eru 50 ára og eldri. Gunnar tekur við bikarnum í lok móts en það er formaður Billiard- og snókersambands Íslands, Pálmi Einarsson sem afhendir Gunnari bikarinn góða.aðsend „Það hefur ekki verið mikil endurnýjun í þessu að undanförnu. Reyndar, það sem er að gerast núna er mjög spennandi. Sumir skólar hafa verið með val um íþróttir og er snóker þar inní. Boðið er upp á snókerkennslu. En það er svolítið þannig að unga fólkið vill helst koma inn og vinna allt strax en við kallarnir erum margir býsna góðir í þessu.“ Eins og áður sagði lék Gunnar úrslitaleik við Jón Inga Ægisson úr Keflavík. „Þetta var skemmtileg viðureign ekki síst vegna þess að tveimur vikum áður spiluðum við líka til úrslita í aldurshópnum fjörutíu ára og eldri. Hann rústaði mér þar, vann mig fimm eitt og labbaði yfir mig. En þetta voru þó spennandi rammar hver um sig. Svo lagði ég hann, 9 – 5 í Íslandsmótinu. Mjög spennandi.“ Hálfgerður atvinnumaður í snóker og golfi Gunnar er einnig snjall kylfingur og á sumrin er hann á golfi nánast alla daga. Hann segist ekki vera fjölskyldumaður. Enda fer mikill tími í þetta. „Nei, maður er einn í rólegheitalífinu og nýtur sín. Eins og er, allaveganna.“ Gunnar er skæður með kjuðann og kylfurnar. Hann segir að þeir sem yngri eru vilji koma og vinna allt strax en það er hægara sagt en gert því þeir eldri séu þar fastir fyrir.aðsend Gunnar hætti að vinna fyrir alllöngu síðan, hann er með tauga- og æðasjúkdóm sem skerðir hreyfigetuna og tilfinningu; hann hefur litla tilfinningu í fótleggjum og fingrum. „Ekki hentugt fyrir mig en þetta er bara svo gaman,“ segir Gunnar sem gengst við því spurður að hann sé hálfgerður atvinnumaður í snóker og golfi. Þetta er líf hans og yndi og hann ver öllum sínum tíma í þetta tvennt. „Mér finnst rosalega gaman að þessu. Ég hef unnið mikið af titlum í snókernum, níu eða tíu Íslandsmeistaratitla í bland; í tvíliða og eldri aldurshópum. Ég var Íslandsmeistari í 40 ára og eldri fjögur ár í röð. Og ég hef sigrað tvíliðamót fjórum sinnum á síðasta áratug með þremur mismundandi aðilum. Þetta er ofboðslega gaman.“ Snóker Mest lesið Ætlaði ekki að trúa því að sonurinn hefði sjálfur staðið upp úr bílnum Innlent Norðmenn uggandi vegna mögulegra viðbragða Trump Erlent Grínaðist með Möggu Stínu: „Fyrsta líflátshótunin kom 18 mínútum seinna“ Innlent Tókst ekki að sanna að Brim bæri ábyrgð á dauða sonar þeirra Innlent Nóbelsnefndin hafi valið pólitík fram yfir frið Erlent Venesúelskur stjórnarandstæðingur hlaut friðarverðlaun Nóbels Erlent Magga Stína í flugi á leið til Istanbúl Innlent Gummi reiður: „Kominn tími til að þeir sem ráða opni augun“ Innlent Bein útsending: Hver hlýtur friðarverðlaun Nóbels? Erlent Samfylkingin með mesta fylgi allra flokka Innlent Fleiri fréttir Samfylkingin með mesta fylgi allra flokka Skipaður í embætti skólameistara Framhaldsskólans í Mosó Sigurbjörg skipuð forstjóri Ráðgjafar- og greiningarstöðvar „Sorglegt“ ef börnin lesa ekki Laxness og Íslendingasögur Fyrstu skref til friðar á Gasa tekin og Friðarverðlaunin fara til Venesúela Leggja til tæplega 44 þúsund tonna loðnukvóta Grínaðist með Möggu Stínu: „Fyrsta líflátshótunin kom 18 mínútum seinna“ Magga Stína í flugi á leið til Istanbúl Bein útsending: Árleg friðarráðstefna Höfða Bein útsending: Athafnaborgin Reykjavík kynnt frá ólíkum hliðum Ætlaði ekki að trúa því að sonurinn hefði sjálfur staðið upp úr bílnum Tókst ekki að sanna að Brim bæri ábyrgð á dauða sonar þeirra Brotthvarf Laxness: „Ekkert sem kemur í staðinn fyrir að vera einn í sínum heimi með bók“ Þakklát Möggu Stínu og segir vopnahlé ljósið við enda ganganna Gummi reiður: „Kominn tími til að þeir sem ráða opni augun“ Söguleg stund Ekki sjálfsvörn að berja með steypuklumpi í höfuðið Laxnessleysið skandall eða stormur í vatnsglasi? Vegagerðin sannfærð um kosti brúar umfram göng Tólf eldislaxar fundust í sex ám Rannsaka hvort bílstjórinn hafi dottað Bein útsending: Dagur landbúnaðarins „Alls ekki og engan veginn“ sé hægt að hagga ESB Selta olli rafmagnsleysi á Suðurlandi Friður á Gasa mögulega í sjónmáli og rætt við utanríkisráðherra Palestínu Mosfellingur hjá Strætó leiðir unga Framsóknarmenn „Hvað varð um að gera meira, hraðar?“ Veðrið setur strik í reikninginn Segjast hafa verið neydd til að krjúpa tímunum saman og lýsa yfir ást sinni á Ísrael Utanríkisráðherra Palestínu á Íslandi á sögulegum tímum Sjá meira
Vinsældir Snóker-íþróttarinnar hafa verið sveiflukenndar í gegnum tíðina. Og reyndar var það svo þegar Gunnar var að feta sín fyrstu spor í snóker hafði íþróttin á sér nokkuð slæmt orð. „Ég verð 52 í ágúst. Háaldraður maðurinn. Ég hef verið að fikta í þessu í fjörutíu ár, byrjaði 12 ára þannig að það er kominn smá tími hjá mér. Ég byrjaði í þessu í félagsheimilunum, Fellahelli í Breiðholti og rambaði aðeins inná Klöppina, sem ég hafði ekki aldur til að vera á. Hékk í sjoppunni og sá inn,“ segir Gunnar og er þá að tala um hina sögufrægu Billiardsstofu á Klapparstíg. Snókerinn hafði á sér vafasamt orð Á Klöppinni sá hinn hrifnæmi og áhugasami ungi drengur úr Breiðholtinu þjóðþekkta menn á borð við Eggert Þorleifs leikara, Dóra Braga blúshund og Gústa rót leika listir sínar. Gunnar kampakátur með bikara eftir að hafa sigrað á Íslandsmótinu í Snóker um síðustu helgi.aðsend „Rosalega gaman an sjá þessa kláru kalla. Og mest spennandi var að fá ekki að fara inn en fékk samt að sjá,“ segir Gunnar. En fyrir framan stofuna, í einskonar fordyri var rekin sjoppa sem bæði þjónaði þeim sem komu inn og þeim sem fyrir innan voru. En Gunnar hafði aðgang að snókerborði í Fellahelli og svo opnaði Júnóís í Skipholti sem var mjög vinsæll staður. „Aftur var maður ekki með aldur en fékk að læðast inn og sjá.“ En á þeim tíma hafði snókerinn ekki mjög gott orð á sér og taldist af broddborgurum landsins vera spillt atferli sem tengdist reykingum, drykkju og fjárhættuspili. „Já, það var þannig. Smá vínandi í kringum þetta. Það vildi enginn hafa unga fólkið í kringum þetta; svo lestirnir smituðust ekki yfir í það.“ En fljótlega upp úr þessu varð viðhorfsbreytingin, tíðarandinn breyttist. „Það náðist að vinna sig í gegnum það þegar ég er að verða 16 ára. Þá voru komnar ýmsar stofur og uppúr því voru mót haldin þar sem mikil þátttaka var. Kannski um 50 til 70 manns í þessu. Þá var þetta alvöru íþrótt. Sem svo vatt uppá sig, þegar nýr hópur kom inn sem urðu virkilega góður og keppnishæfir. Þetta fór úr því að vera illræmt yfir í „betra“ sport. Vinsælla og viðurkenndara. Ekki var leyfð drykkja og þá varð þetta að íþrótt. Þetta er flott íþrótt og flott sjónvarpsefni. Mjög vinsælt sem slíkt.“ Gömlu skarfarnir þéttir fyrir á fleti Síðan hafa vinsældirnar gengið upp og niður og má segja að snókerinn sé í lægð núna. Snookerstofurnar eru bara tvær í Reykjavík núna og Gunnari er kunnugt um eina í Eyjum. Þá er það upp talið. Gunnar segir að hann hafi ekki tölu á hversu margar þær voru þegar best lét, örugglega vel á 3. tug á sínum tíma. Að sögn Gunnars vantar að vekja áhugann. Hann segir að nú séu margir gamlir jaxlar í þessu og Íslandsmótið að þessu sinni hafi samanstaðið af þátttakendum sem eru meira og minna 35 ára og eldri. Margir eru 50 ára og eldri. Gunnar tekur við bikarnum í lok móts en það er formaður Billiard- og snókersambands Íslands, Pálmi Einarsson sem afhendir Gunnari bikarinn góða.aðsend „Það hefur ekki verið mikil endurnýjun í þessu að undanförnu. Reyndar, það sem er að gerast núna er mjög spennandi. Sumir skólar hafa verið með val um íþróttir og er snóker þar inní. Boðið er upp á snókerkennslu. En það er svolítið þannig að unga fólkið vill helst koma inn og vinna allt strax en við kallarnir erum margir býsna góðir í þessu.“ Eins og áður sagði lék Gunnar úrslitaleik við Jón Inga Ægisson úr Keflavík. „Þetta var skemmtileg viðureign ekki síst vegna þess að tveimur vikum áður spiluðum við líka til úrslita í aldurshópnum fjörutíu ára og eldri. Hann rústaði mér þar, vann mig fimm eitt og labbaði yfir mig. En þetta voru þó spennandi rammar hver um sig. Svo lagði ég hann, 9 – 5 í Íslandsmótinu. Mjög spennandi.“ Hálfgerður atvinnumaður í snóker og golfi Gunnar er einnig snjall kylfingur og á sumrin er hann á golfi nánast alla daga. Hann segist ekki vera fjölskyldumaður. Enda fer mikill tími í þetta. „Nei, maður er einn í rólegheitalífinu og nýtur sín. Eins og er, allaveganna.“ Gunnar er skæður með kjuðann og kylfurnar. Hann segir að þeir sem yngri eru vilji koma og vinna allt strax en það er hægara sagt en gert því þeir eldri séu þar fastir fyrir.aðsend Gunnar hætti að vinna fyrir alllöngu síðan, hann er með tauga- og æðasjúkdóm sem skerðir hreyfigetuna og tilfinningu; hann hefur litla tilfinningu í fótleggjum og fingrum. „Ekki hentugt fyrir mig en þetta er bara svo gaman,“ segir Gunnar sem gengst við því spurður að hann sé hálfgerður atvinnumaður í snóker og golfi. Þetta er líf hans og yndi og hann ver öllum sínum tíma í þetta tvennt. „Mér finnst rosalega gaman að þessu. Ég hef unnið mikið af titlum í snókernum, níu eða tíu Íslandsmeistaratitla í bland; í tvíliða og eldri aldurshópum. Ég var Íslandsmeistari í 40 ára og eldri fjögur ár í röð. Og ég hef sigrað tvíliðamót fjórum sinnum á síðasta áratug með þremur mismundandi aðilum. Þetta er ofboðslega gaman.“
Snóker Mest lesið Ætlaði ekki að trúa því að sonurinn hefði sjálfur staðið upp úr bílnum Innlent Norðmenn uggandi vegna mögulegra viðbragða Trump Erlent Grínaðist með Möggu Stínu: „Fyrsta líflátshótunin kom 18 mínútum seinna“ Innlent Tókst ekki að sanna að Brim bæri ábyrgð á dauða sonar þeirra Innlent Nóbelsnefndin hafi valið pólitík fram yfir frið Erlent Venesúelskur stjórnarandstæðingur hlaut friðarverðlaun Nóbels Erlent Magga Stína í flugi á leið til Istanbúl Innlent Gummi reiður: „Kominn tími til að þeir sem ráða opni augun“ Innlent Bein útsending: Hver hlýtur friðarverðlaun Nóbels? Erlent Samfylkingin með mesta fylgi allra flokka Innlent Fleiri fréttir Samfylkingin með mesta fylgi allra flokka Skipaður í embætti skólameistara Framhaldsskólans í Mosó Sigurbjörg skipuð forstjóri Ráðgjafar- og greiningarstöðvar „Sorglegt“ ef börnin lesa ekki Laxness og Íslendingasögur Fyrstu skref til friðar á Gasa tekin og Friðarverðlaunin fara til Venesúela Leggja til tæplega 44 þúsund tonna loðnukvóta Grínaðist með Möggu Stínu: „Fyrsta líflátshótunin kom 18 mínútum seinna“ Magga Stína í flugi á leið til Istanbúl Bein útsending: Árleg friðarráðstefna Höfða Bein útsending: Athafnaborgin Reykjavík kynnt frá ólíkum hliðum Ætlaði ekki að trúa því að sonurinn hefði sjálfur staðið upp úr bílnum Tókst ekki að sanna að Brim bæri ábyrgð á dauða sonar þeirra Brotthvarf Laxness: „Ekkert sem kemur í staðinn fyrir að vera einn í sínum heimi með bók“ Þakklát Möggu Stínu og segir vopnahlé ljósið við enda ganganna Gummi reiður: „Kominn tími til að þeir sem ráða opni augun“ Söguleg stund Ekki sjálfsvörn að berja með steypuklumpi í höfuðið Laxnessleysið skandall eða stormur í vatnsglasi? Vegagerðin sannfærð um kosti brúar umfram göng Tólf eldislaxar fundust í sex ám Rannsaka hvort bílstjórinn hafi dottað Bein útsending: Dagur landbúnaðarins „Alls ekki og engan veginn“ sé hægt að hagga ESB Selta olli rafmagnsleysi á Suðurlandi Friður á Gasa mögulega í sjónmáli og rætt við utanríkisráðherra Palestínu Mosfellingur hjá Strætó leiðir unga Framsóknarmenn „Hvað varð um að gera meira, hraðar?“ Veðrið setur strik í reikninginn Segjast hafa verið neydd til að krjúpa tímunum saman og lýsa yfir ást sinni á Ísrael Utanríkisráðherra Palestínu á Íslandi á sögulegum tímum Sjá meira