Fótbolti

Albert skoraði gegn gömlu fé­lögunum

Anton Ingi Leifsson skrifar
Albert í leiknum í dag.
Albert í leiknum í dag. Soccrates/Getty

Albert Guðmundsson skoraði þriðja og síðasta mark AZ Alkmaar er liðið vann 3-1 sigur á Heerenveen í hollensku úrvalsdeildinni í dag.

Calvin Stengs kom AZ yfir á tuttugustu mínútu og í upphafi síðari hálfleiks tvöfaldaði Teun Koopmeiners forystuna fyrir heimamenn af vítapunktinum.

Lasse Schöne spilaði sinn fyrsta leik fyrir Heerenveen eftir að hafa gengið í raðir félagsins á dögunum og hann minnkaði muninn á 54. mínútu.

Það var svo Albert sem tryggði AZ sigurinn níu mínútum fyrir leikslok er hann tryggði Alkmaar stigin þrjú en Albert lék með yngri liðum Heerenveen.

Alkmaar er í þriðja sætinu í Hollandi en Heerenveen er í áttunda sætinu.

Hollenski boltinn

Mest lesið


Fleiri fréttir

Sjá meira


×

Mest lesið