Viggó heldur uppteknum hætti: Skoraði tíu mörk og var markahæstur á vellinum

Viggó Kristjánsson heldur áfram að leika á alls oddi í þýska handboltanum. Hann var markahæsti maður vallarins er Stuttgart tapaði fyrir Flensburg á útivelli í dag, 34-30.

Viggó hóf skothríðina í fyrri hálfleik en hann skoraði átta mörk úr níu skotum í fyrri hálfleik. Staðan var 18-17 Stuttgart í vil í hálfleik.

Viggó bætti við tveimur mörkum í síðari hálfleik en því miður fyrir Viggó og félaga dugði það ekki til því Flensburg hafði að lokum betur, 34-30.

Stuttgart er í 4. sæti deildarinnar en með sigrinum skaust Flensburg upp í þriðja sætið.