Fá Nóbels­verð­laun fyrir upp­götvanir um lifrar­bólgu C

Bandaríkjamennirnir Harvey J. Alter, Michael Houghton og Charles M. Rice fá Nóbelsverðlaunin í lífeðlis- og læknisfræði fyrir uppgötvanir sínar um lifrarbólgu C veiruna.

Frá þessu var greint á fréttamannafundi í morgun.

Uppgötvanir þeirra um veiruna sem veldur lifrarbólgu C, og gerðar voru á níunda áratugnum, hafa leitt til þróunar blóðprufa og nýrra lyfja sem hafa bjargað milljónum mannslífa.

Lifrarbólga C er bólgusjúkdómur sem veldur oft krónískum lifrarskemmdum og lifrarkrabbameini.

Greint verður frá því á morgun hver hlýtur Nóbelsverðlaun í eðlisfræði. Á miðvikudaginn verður greint frá hver hlýtur verðlaunin í efnafræði.