„Þetta er háðung – þetta er glatað!“ Jakob Bjarnar skrifar 21. september 2020 13:01 Magnús Geir Þórðarson er heldur betur að taka til hendinni í Þjóðleikhúsinu en ýmsum finnst sem hann sé að fara fram úr sér í nútíma- og markaðsvæðingu á hinu fornfræga leikhúsi. Ragnhildur Sverrisdóttir er ein þeirra og efnir til mikillar umræðu um nýtt lógó hússins. „Þetta er háðung“, „þetta er glatað!“; „hræðilega ódýrt, hallærislegt og sæmir ekki Þjóðleikhúsi. Þetta eru meðal ummæla sem falla í athugasemdum við færslu sem Ragnhildur Sverrisdóttir, upplýsingafulltrúi Landsvirkjunar, ritar í morgun. Hún gerir nýtt lógó Þjóðleikhússins að umfjöllunarefni og er ekki sátt. Hún segir að Þjóðleikhúsið virðist búið að skipta um lógó, þegjandi og hljóðalaust og spyr hvort einhverjum það til bóta? Sjálfri finnst henni svo ekki vera. „Mér finnst búið að „einfalda“ og „nútímavæða“ lógóið þar til það er nánast leikhúsinu til háðungar. Líklega getum við prísað okkur sæl að nafninu er þó rétt skipt á milli lína, öfugt við t.d. Stúden/takjal/larinn, en það skilti nær drepur mig út pirringi í hvert skipti sem ég rek augun í það,“ skrifar Ragnhildur og klikkir út með því að hér sé um að ræða „mánudagspirringur þeirrar sextugu“. En þetta er ekki meiri mánudagspirringur en svo, og léttvægur fundinn sem slíkur, að svo virðist sem mannskapurinn sem tjáir sig við innlegg Ragnhildar sé að mestu leyti á því að þarna sé Magnús Geir Þórðarson leikhússtjóri að fara fram úr sér í nútíma- og markaðsvæðingu á sjálfu Þjóðleikhúsinu. En Magnús Geir er greinilega að taka til hendinni svo um muna þar innan dyra. Á öllum vígstöðvum. Um helgina birtist þessi umfjöllun í Morgunblaðinu, um gagngerar breytingar sem ráðist hefur verið í innan húss í byggingu Guðjóns Samúelssonar: Þjóðleikhúsinu. Þannig hefur hann ráðist í gagngerar breytingar á innanhússarkítektúr hússins. Morgunblaðið fjallar um það á laugardaginn og kemur þar fram að endurbætur hafi kostað 155 milljónir króna. Og ímyndin er tekin og pússuð: „Endurnýjunin og orkan í Þjóðleikhúsinu kristallast í nýju og sterku merki sem nýtur sín, fullt sjálfstrausts, í öllum miðlum. Öll grafík var samræmd og einfölduð. Tekin var lykilmynd fyrir allt efni sem sýnir sterka skapandi liðsheild í startholunum fyrir eitthvað ógleymanlegt í allan vetur.“ Svo segir um nýtt merki Þjóðleikhússins í klausu á síðu auglýsingastofunnar EnnEmm, sem hefur tekið að sér að fríska upp á ímynd og útlit þessa musteris íslenskrar tungu; Þjóðleikhússins. Hér má sjá hvaða hugmyndafræði býr að baki hinu nýja lógó Þjóðleikhússins. Víst er að margir munu þurfa tíma, góðan tíma, til að venjast nýstárlegri ímynd hins gamla húss. En þeir sem taka til máls á síðu Ragnhildar gefa lítið fyrir hina dýpri og undirliggjandi hugmyndafræði auglýsingastofunnar. Athugasemdir hrannast inn. Ein þeirra sem leggur orð í belg er dóttir Jökuls Jakobssonar, eins virtasta leikskálds þjóðarinnar, Unnur Þóra rithöfundur með meiru: „Ég sakna grímanna sem mér hafa alltaf fundist heillandi tákn um leikhús og búa yfir tilvísum í forna leikhússögu.“ Kristjón Kormákur Guðjónsson, afabarn Jökuls, er sammála frænku sinni: „Gamla hæfir þessu betur. Nýja lógið eins og misheppnaður farsi sem myndi líklega fá hauskúpu eins og tíðkaðist stundum í gagnrýni í gömlu Pressunni!“ Menningarvitinn og sjónvarpsmaðurinn Egill Helgason segir þetta gamla mjög gott og svo eitt dæmi sé tekið að auki; tónlistarkonan Sigríður Beinteinsdóttir kveður upp sinn dóm: „Gamla lógóið er miklu flottara og á að halda sér að mínu mati.“ Uppfært: Magnús Geir Þórðarson Þjóðleikhússtjóri segir í samtali við Reykjavík síðdegis ánægjulegt að fólk hafi skoðanir á nýju merki leikhússins. Leikhús Auglýsinga- og markaðsmál Samfélagsmiðlar Menning Mest lesið Ekkert spurst til Sólrúnar á Spáni í nokkra daga Innlent Snorri sagður spúa hatri og trumpísku yfir heimsbyggðina Innlent Ók yfir á rangan helming og lést átta dögum síðar Innlent Meint hræðsla dómara ekki næg ástæða til að taka málið fyrir Innlent „Ásthildur Lóa var kjöldregin í öllum fjölmiðlum heims“ Innlent „Af hverju var það sem var sagt á fimmtudegi svikið á mánudegi?“ Innlent Tóku mið af viðskiptahalla en ekki tollum Erlent „Kokkurinn“ í Bandidos látinn Erlent Býst við kolsvartri skýrslu Innlent Hrina gikkskjálfta við Trölladyngju Innlent Fleiri fréttir Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Tollastríð Trumps hefur áhrif víða Ók yfir á rangan helming og lést átta dögum síðar Bókun 35 þokast nær afgreiðslu Sló mann með glerglasi í höfuðið á Strandgötunni Snorri sagður spúa hatri og trumpísku yfir heimsbyggðina Ákærður fyrir að áreita barn í búningsklefa Stöðug og jöfn jarðskjálftavirkni Funduðu aftur fram að miðnætti: „Vont að þingmenn stjórnarandstöðunnar séu móðgaðir“ Kvikugangur talinn ná langleiðina að flugvallarstæði Hvassahrauns Alþingi hafi átt að vera upplýst Stöðvuðu smygl á tuttugu þúsund Oxycontin-töflum Hinir handteknu alveg ótengdir Stjórnarformaður vísisjóðs nýr forseti Félagsvísindasviðs HÍ Engin virkni í sprungunni og umfangsmikil lögregluaðgerð Sjá meira
„Þetta er háðung“, „þetta er glatað!“; „hræðilega ódýrt, hallærislegt og sæmir ekki Þjóðleikhúsi. Þetta eru meðal ummæla sem falla í athugasemdum við færslu sem Ragnhildur Sverrisdóttir, upplýsingafulltrúi Landsvirkjunar, ritar í morgun. Hún gerir nýtt lógó Þjóðleikhússins að umfjöllunarefni og er ekki sátt. Hún segir að Þjóðleikhúsið virðist búið að skipta um lógó, þegjandi og hljóðalaust og spyr hvort einhverjum það til bóta? Sjálfri finnst henni svo ekki vera. „Mér finnst búið að „einfalda“ og „nútímavæða“ lógóið þar til það er nánast leikhúsinu til háðungar. Líklega getum við prísað okkur sæl að nafninu er þó rétt skipt á milli lína, öfugt við t.d. Stúden/takjal/larinn, en það skilti nær drepur mig út pirringi í hvert skipti sem ég rek augun í það,“ skrifar Ragnhildur og klikkir út með því að hér sé um að ræða „mánudagspirringur þeirrar sextugu“. En þetta er ekki meiri mánudagspirringur en svo, og léttvægur fundinn sem slíkur, að svo virðist sem mannskapurinn sem tjáir sig við innlegg Ragnhildar sé að mestu leyti á því að þarna sé Magnús Geir Þórðarson leikhússtjóri að fara fram úr sér í nútíma- og markaðsvæðingu á sjálfu Þjóðleikhúsinu. En Magnús Geir er greinilega að taka til hendinni svo um muna þar innan dyra. Á öllum vígstöðvum. Um helgina birtist þessi umfjöllun í Morgunblaðinu, um gagngerar breytingar sem ráðist hefur verið í innan húss í byggingu Guðjóns Samúelssonar: Þjóðleikhúsinu. Þannig hefur hann ráðist í gagngerar breytingar á innanhússarkítektúr hússins. Morgunblaðið fjallar um það á laugardaginn og kemur þar fram að endurbætur hafi kostað 155 milljónir króna. Og ímyndin er tekin og pússuð: „Endurnýjunin og orkan í Þjóðleikhúsinu kristallast í nýju og sterku merki sem nýtur sín, fullt sjálfstrausts, í öllum miðlum. Öll grafík var samræmd og einfölduð. Tekin var lykilmynd fyrir allt efni sem sýnir sterka skapandi liðsheild í startholunum fyrir eitthvað ógleymanlegt í allan vetur.“ Svo segir um nýtt merki Þjóðleikhússins í klausu á síðu auglýsingastofunnar EnnEmm, sem hefur tekið að sér að fríska upp á ímynd og útlit þessa musteris íslenskrar tungu; Þjóðleikhússins. Hér má sjá hvaða hugmyndafræði býr að baki hinu nýja lógó Þjóðleikhússins. Víst er að margir munu þurfa tíma, góðan tíma, til að venjast nýstárlegri ímynd hins gamla húss. En þeir sem taka til máls á síðu Ragnhildar gefa lítið fyrir hina dýpri og undirliggjandi hugmyndafræði auglýsingastofunnar. Athugasemdir hrannast inn. Ein þeirra sem leggur orð í belg er dóttir Jökuls Jakobssonar, eins virtasta leikskálds þjóðarinnar, Unnur Þóra rithöfundur með meiru: „Ég sakna grímanna sem mér hafa alltaf fundist heillandi tákn um leikhús og búa yfir tilvísum í forna leikhússögu.“ Kristjón Kormákur Guðjónsson, afabarn Jökuls, er sammála frænku sinni: „Gamla hæfir þessu betur. Nýja lógið eins og misheppnaður farsi sem myndi líklega fá hauskúpu eins og tíðkaðist stundum í gagnrýni í gömlu Pressunni!“ Menningarvitinn og sjónvarpsmaðurinn Egill Helgason segir þetta gamla mjög gott og svo eitt dæmi sé tekið að auki; tónlistarkonan Sigríður Beinteinsdóttir kveður upp sinn dóm: „Gamla lógóið er miklu flottara og á að halda sér að mínu mati.“ Uppfært: Magnús Geir Þórðarson Þjóðleikhússtjóri segir í samtali við Reykjavík síðdegis ánægjulegt að fólk hafi skoðanir á nýju merki leikhússins.
Leikhús Auglýsinga- og markaðsmál Samfélagsmiðlar Menning Mest lesið Ekkert spurst til Sólrúnar á Spáni í nokkra daga Innlent Snorri sagður spúa hatri og trumpísku yfir heimsbyggðina Innlent Ók yfir á rangan helming og lést átta dögum síðar Innlent Meint hræðsla dómara ekki næg ástæða til að taka málið fyrir Innlent „Ásthildur Lóa var kjöldregin í öllum fjölmiðlum heims“ Innlent „Af hverju var það sem var sagt á fimmtudegi svikið á mánudegi?“ Innlent Tóku mið af viðskiptahalla en ekki tollum Erlent „Kokkurinn“ í Bandidos látinn Erlent Býst við kolsvartri skýrslu Innlent Hrina gikkskjálfta við Trölladyngju Innlent Fleiri fréttir Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Tollastríð Trumps hefur áhrif víða Ók yfir á rangan helming og lést átta dögum síðar Bókun 35 þokast nær afgreiðslu Sló mann með glerglasi í höfuðið á Strandgötunni Snorri sagður spúa hatri og trumpísku yfir heimsbyggðina Ákærður fyrir að áreita barn í búningsklefa Stöðug og jöfn jarðskjálftavirkni Funduðu aftur fram að miðnætti: „Vont að þingmenn stjórnarandstöðunnar séu móðgaðir“ Kvikugangur talinn ná langleiðina að flugvallarstæði Hvassahrauns Alþingi hafi átt að vera upplýst Stöðvuðu smygl á tuttugu þúsund Oxycontin-töflum Hinir handteknu alveg ótengdir Stjórnarformaður vísisjóðs nýr forseti Félagsvísindasviðs HÍ Engin virkni í sprungunni og umfangsmikil lögregluaðgerð Sjá meira