Kvöldfréttir Stöðvar 2

Flytja á sex manna barnafjölskyldu frá Eygyptalandi, sem dvalið hefur áÍslandi í meira en tvöár, úr landi í næstu viku. Fyrirhugaður flutningur hefur tekið mikiðá börnin sem tala nú góða íslensku og hafa aðlagast vel. Lögmaður fjölskyldunnar segir meðferð stjórnvalda á fjölskyldunni ólöglega, siðferðilega ranga og ómannúðlega.

Fjallað verður nánar um málið í kvöldfréttum Stöðvar 2 klukkan 18:30. Fréttatímann má sjá í spilaranum hér að neðan.

Ensku landsliðsmennirnir sem brutu gegn sóttkví með því að fá tvær ungar íslenskar konur í heimsókn til sín á Hótel Sögu í gær voru sektaðir um 250 þúsund krónur hvor. Konurnar sem hittu þá segjast ekki hafa gert sér grein fyrir að mennirnir væru í sóttkví. Fjallað verður nánar um málið í kvöldfréttum.

Kona sem kærði Jón Baldvin Hannibalsson fyrrverandi utanríkisráðherra fyrir kynferðisbrot segir ákveðinn sigur felast í að hann hafi verið ákærður í málinu. Málið verður þingfest eftir rúma viku en lögmaður Jóns Baldvins segir að ásakanirnar ekki eiga við rök að styðjast.

Alþjóðlegi Duchenne dagurinn er í dag. Rætt verður við Ægi Þór sem glímir við sjúkdóminn og móður hans í fréttatímanum. Einnig verður rætt við formann skimunarráðs um mistök við skimanir hjáKrabbameinsfélaginu og Kristinn Hrafnsson, ritstjóra Wikileaks, sem fylgst hefur með réttarhöldunum yfir Julian Assange sem hófust aftur í dag.

Þetta og margt fleira á samtengdum rásum Bylgjunnar, Stöðvar 2 og Vísis kl. 18:30.