Roberto Martinez - þjálfari belgíska landsliðsins í knattspyrnu - er búinn að tilkynna leikmannahópinn sem mætir Íslandi í Þjóðadeildinni þann 8. september.
Allar helstu stjörnur Belga eru með þó það sé óvíst hvort Kevin De Bruyne – besti leikmaður ensku úrvalsdeildarinnar á síðustu leiktíð – verði með. De Bruyne og eiginkona hans eiga von á barni og því er ekki víst hvort hann nái leiknum gegn Íslandi.
Eins og fjallað hefur verið um þá vantar sum af stærstu nöfnum íslenska liðsins í hópinn að þessu sinni. Þar má nefna Jóhann Berg Guðmundsson, Gylfa Þór Sigurðsson, Aron Einar Gunnarsson og Alfreð Finnbogason.
Sömu sögu er ekki að segja af belgíska liðinu en Roberto Martinez – þjálfari liðsins – hefur valið sitt allra sterkasta lið. Í leikmannahópi liðsins eru menn á borð við Thibaut Courtois, Toby Alderweireld, De Bruyne, Axel Witsel, Romelu Lukaku og Eden Hazard.
Here are the Devils to start our #NationsLeague campaign #COMEONBELGIUM pic.twitter.com/QOYs0ml9lY
— Belgian Red Devils (@BelRedDevils) August 25, 2020
Hópinn má sjá hér að neðan.
Markverðir
Thibaut Courtois [Real Madrid]
Koen Casteels [Wolfsburg]
Simon Mignolet [Club Brugge]
Davy Roef [Gent]
Varnarmenn
Toby Alderweireld [Tottenham Hotspur]
Jason Denayer [Lyon]
Leander Dendoncker [Wolverhampton Wanderers]
Brandon Mechele [Club Brugge]
Jan Vertonghen [Benfica]
Timothy Castagne [Atalanta]
Thomas Meunier [Borussia Dortmund]
Miðjumenn
Kevin de Bruyne [Manchester City]
Dennis Praet [Leicester City]
Youri Tielemans [Leicester City]
Hans Vanaken (Club Brugge)
Axel Witsel [Borussia Dortmund]
Thorgan Hazard [Borussia Dortmund]
Yannick Carrasco [Dalian Professional]
Yari Verschaeren [Anderlecht]
Sóknarmenn
Romelu Lukaku [Inter Milan]
Eden Hazard [Real Madrid]
Dries Mertens [Napoli]
Landy Dimata [Anderlecht]
Jeremy Doku [Anderlecht]
Leandro Trossard [Brighton & Hove Albion]
Sýnt verður beint frá öllum leikjum Íslands í Þjóðadeildinni á Stöð 2 Sport. Riðlakeppnin hefst 5. september og lýkur 18. nóvember á þessu ári. Stöð 2 Sport er hluti af Sportpakkanum.
Ísland - England (Laugardalsvöllur) - 5.9.2020
Belgía - Ísland (Óvíst) - 8.9.2020
Ísland - Danmörk (Laugardalsvöllur) - 11.10.2020
Ísland - Belgía (Laugardalsvölur) - 14.10.2020
Danmörk - Ísland (Parken) - 14.11.2020
England - Ísland (Wembley) - 18.11.2020