Tveggja metra reglan tekur breytingum

Heilbrigðisráðherra hefur gert breytingu á tveggja metra reglunni svokölluðu. Áður þurftu rekstraraðilar að tryggja tveggja metra bil á milli einstaklinga sem ekki deildu heimili. Frá og með föstudeginum 28. ágúst verður miðað við að bilið sé á milli einstaklinga sem ekki séu í nánum tengslum.

Ekki er tilgreint frekar hvað heyri til náinna tengsla. Fram hefur komið í máli sóttvarnalæknis að tveggja metra reglan sé fyrst og fremst hugsuð varðandi fólk sem þekki ekki hvort annað.  Almennt þurfi fólk að reyna að viðhafa tveggja metra regluna. 

Í tilkynningu frá sóttvarnalækni og lögreglunni á dögunum kom fram að tveggja metra regl­an væri sett á þar sem hún sé ein af grunnstoðum sýk­inga­varna og að nánd milli fólks auki áhætt­una á að fá smit. 

Hvað veiruna varði sem veld­ur COVID-19 sjúk­dómn­um hafi komið í ljós að einn metri á milli ein­stak­linga minnki lík­urn­ar á smiti fimm­falt, og að fyr­ir hvern metra til viðbót­ar tvö­fald­is lík­urn­ar á að forða fólki frá smiti. Á þeim grunni hafi regl­ur og leiðbein­ing­ar um fjar­lægðarmörk verið sett­ar víða um heim.

Í auglýsingu ráðherra sem tekur gildi á föstudaginn og gildir til 10. september er leikhúsunum jafnframt gefin heimild til að hefja æfingar að nýju á sama hátt og leyfst hefur í íþróttum.