Níu greindust með veiruna innan­lands

Níu greindust með kórónuveiruna innanlands í gær, sex greindust á sýkla- og veirufræðideild Landspítalans og þrír hjá Íslenskri erfðagreiningu. Einn reyndist vera með mótefni gegn veirunni við landamæraskimun en tveir bíða niðurstöðu mótefnamælingar.

Átta voru í sóttkví við greiningu.

112 eru í einangrun samanborið við 120 í gær. Einn liggur á sjúkrahúsi vegna veirunnar en er ekki á gjörgæslu.

Í sóttkví eru 655 og fjölgar þeim um rúmlega hundrað milli daga. Í gær voru 535 í sóttkví.

351 sýni voru tekin á sýkla- og veirufræðideild Landspítalans í gær, 237 hjá Íslenskri erfðagreiningu og 1.815 við landamæraskimun.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur fór úr 15,3 í 16,9. Þá fór nýgengi landamærasmita úr 12,3 í 12,0.