Ghosn segir meðferð sína í Japan svívirðilega

Carlos Ghosn, fyrrverandi forstjóri bílaframleiðandans Nissan, tjáði sig í fyrsta sinn opinberlega í dag frá því hann flúði frá Japan.

Ghosn var í stofufangelsi í Tókýó en liggur undir grun um að hafa kerfisbundið vantalið fram tekjur sínar til eftirlitsaðila og misnotað eignir Nissan í eigin þágu. Hann flúði til Líbanons rétt fyrir áramót. Hann sagði í dag að meðferð sín í Japan hefði verið svívirðileg.

„Ég var yfirheyrður í allt að átta tíma á dag, án lögfræðinga minna, mánuðum saman án þess að mér hafi verið gert grein fyrir ásökununum. Sömuleiðis án nokkurs aðgangs að sönnunargögnum sem áttu að réttlæta þessa svívirðilegu meðferð.“