Elísabet Jökulsdóttir kveður Vesturbæinn

Elísabet Jökulsdóttir, skáld og forsetaframbjóðandi, hefur sett fallega íbúð sína í Vesturbænum á sölu. Íbúðin er hæð og ris í gullfallegu gömlu tvíbýlishúsi að Framnesvegi 56. Elísabet hefur búið í Vesturbænum í 30 ár en nú liggur leiðin til Hveragerðis að sögn Elísabetar.

Íbúðin hennar Elísabetar er stórskemmtileg eins og við má búast. Hún er 72,5 fm fjögurra herbergja íbúð á besta stað í bænum. Vesturbæjarskóli er hinum megin við götuna og stutt að sjónum.