„Hann féll hraðar en honum var hrint“ Samúel Karl Ólason skrifar 9. júní 2020 14:26 Donald Trump, forseti Bandaríkjanna, telur mögulegt að 75 ára gamall maður sem slasaðist alvarlega þegar lögregluþjónar hrintu honum í jörðina í Buffaloborg sé útsendari Antifa og að um sviðsetningu hafi verið að ræða. Þessu sjónarhorni sínu tísti forsetinn í dag eftir að hann horfði á frétt hins umdeilda og mjög svo hægri sinnaða fjölmiðils One America News Network eða OANN. „Hinum 75 ára gamla Martin Gugino var hrint eftir að hann virtist skanna samskiptabúnað lögregluþjóna með því markmiði að slökkva á búnaðinum. @OANN ég horfði, hann féll hraðar en honum var hrint. Var að miða skanna. Gæti verið sviðsett?“ skrifaði Trump. Buffalo protester shoved by Police could be an ANTIFA provocateur. 75 year old Martin Gugino was pushed away after appearing to scan police communications in order to black out the equipment. @OANN I watched, he fell harder than was pushed. Was aiming scanner. Could be a set up?— Donald J. Trump (@realDonaldTrump) June 9, 2020 Tveimur lögregluþjónum var vikið úr starfi vegna atviksins og voru þeir svo ákærðir fyrir líkamsárás. Gugino slasaðist alvarlega í atvikinu og er enn á sjúkrahúsi. Í fyrstu hélt lögreglan því fram að hann hefði hrasað og dottið. Aðrir lögregluþjónar sem voru einnig í sérstakri óeirðasveit, hættu í sveitinni til stuðnings við félaga sína. Trump hefur meðal annars hótað því að skilgreina Anitfa sem hryðjuverkasamtök, þó hann geti það ekki samkvæmt lögum. Umfjöllun OANN byggir á vangaveltum í bloggfærslu á síðu sem kallast Conservative Tree House. Lögmaður Gugino sagði í síðustu viku að hann væri friðsamur aðgerðasinni, hefði verið það um árabil og hann berjist fyrir mannréttindum. Myndband af því þegar Gugino var hrint má sjá í fréttinni hér að neðan. Héraðsmiðillinn WKBW hefur eftir lögmanni Gugino að hún hafi ekki hugmynd um hvaðan þessar ásakanir komi. Það sé alger óþarfi að saka fólk um að vera eitthvað sem þau eru ekki. Þá vildi lögreglustjórinn í Buffalo, þar sem Gugino var hrint, ekki tjá sig um tíst forsetans. Í umfjöllun OANN er því haldið fram að fjölmiðlar í Bandaríkjunum kyndi undir elda óstöðugleika í Bandaríkjunum og séu í herferð gegn „helsta bandamanni bandarískra lögregluþjóna, Donald Trump“. Þetta hagnist eingöngu Kínverjum og Joe Biden, mótframbjóðanda Trump. Sjá einnig: Framboð Trump í miklum vandræðum Bloggfærslan sem umfjöllun OANN og tíst forseta Bandaríkjanna byggja á er skrifuð af nafnlausum aðila. Síðan sjálf er skráð af fyrirtæki sem felur raunverulegan eiganda hennar. The original article cited by OAN on the “Conservative Treehouse” website was written by an anonymous person who publishes under a pseudonym. The site is registered through a company that hides the identity and location of the owner of the website. https://t.co/eKL4kDr2d6— Jon Passantino (@passantino) June 9, 2020 Þar er stungið upp á því að Gugino sé að nota búnað í síma sínum sem geti skannað og slökkt á samskiptabúnaði lögregluþjóna. Það er sagt vera algeng aðferð Antifa, sem er hreyfing rótækra and-fasista sem Trump hefur sakað um ofbeldi í tengslum við mótmæli vegna dauða George Floyd. Í bloggfærslunni eru litlar sem engar sannanir færðar fyrir því að Gugino hafi verið að reyna að skanna samskiptabúnað lögreglunnar á nokkurn hátt, að öðru leyti en að hann var með síma í hendinni og færði höndina í átt að lögregluþjónunum sem hrintu honum. Þá eru sömuleiðis engar sannanir færðar fyrir því að hann aðhyllist Antifa. Þá er frétt OANN sjálf unnin af rússneskum fréttamanni sem vinnur einnig fyrir Sputnik, rússneskan miðil sem er í eigur rússneska ríkisins. Leyniþjónustur Bandaríkjanna segja Sputnik hafa verið notaðan til áhrifaherferðar yfirvalda Rússlands gagnvart forsetakosningunum 2016. OANN hefur flutt margar umfjallanir um samsæriskenningar sem snúa að Hillary Clinton og George Soros, sem er vinsælt skotmark fjar-hægri afla. Miðillinn hefur sömuleiðis fjallað um að nýja kóróunveiran hafi verið þróuð á tilraunastofu í Bandaríkjunum. Here's the rest of it, which says that media are "fan[ning] the flames of national unrest" by promoting this "far-left provocation" to hurt Trump and help China. pic.twitter.com/enMRQEf8Ko— Matthew Gertz (@MattGertz) June 9, 2020 Bandaríkin Donald Trump Dauði George Floyd Mest lesið Vaktin: Dómari kveður upp um refsingu Diddy Erlent Grunaður um að hafa brotið á fleiri en tíu börnum Innlent Nýsestur á skrifstofunni þegar hann fékk bíl í flasið Innlent Sagt að njóta ótruflaðrar ástar í Venesúela Innlent Starfsmaður á Brákarborg grunaður um kynferðisbrot Innlent Látinn fara eftir að hafa neitað Trump um sverð í eigu Eisenhower Erlent Fólk að bugast þar til hætt var að manna vaktir á föstudögum Innlent „Mér finnst þeir vera að taka frá mér lífið“ Innlent Rekja andlát dóttur að hluta til samsæriskenninga móður Erlent Bein útsending: Siglt áleiðis til Gasa Erlent Fleiri fréttir Hótar helvíti á jörð samþykki Hamas ekki tillögurnar Vísa frá máli á hendur skipverjum sem voru taldir hafa slitið sæstrengi „Það vill enginn spila eftir reglum sem eru samdar annars staðar“ Rekja andlát dóttur að hluta til samsæriskenninga móður Fyrsta konan sem verður erkibiskupinn af Kantaraborg Vaktin: Dómari kveður upp um refsingu Diddy Einn hinna látnu skotinn af lögreglu og annar særður Finna mikla nálykt frá rústunum Bein útsending: Siglt áleiðis til Gasa Látinn fara eftir að hafa neitað Trump um sverð í eigu Eisenhower Segist breyttur maður og biðlar til dómarans Hamas liðar vilja ekki afvopnast Flugvellinum í München lokað vegna drónaumferðar Nafngreina árásarmanninn í Manchester Segist eiga í vopnuðum átökum við eiturlyfjasmyglara Árásin í Manchester skilgreind sem hryðjuverk Leiðtogafundur í Danmörku: „Rússar munu ekki stoppa fyrr en tilneyddir“ Tveir látnir og þrír alvarlega særðir eftir árás í Manchester Afganir fagna því að vera aftur komnir í samband við umheiminn Thunberg meðal 500 handtekinna aðgerðasinna Demókrötum kennt um og uppsögnum hótað Frelsisflotinn umkringdur og farþegar fluttir til Ísraels Jane Goodall látin Telja sig hafa fundið skipið sem skaut drónunum Brýnt að koma rafmagni aftur á kjarnorkuverið „Dimmur dagur“ í sögu Slóvakíu Völdu tveggja ára stúlku sem nýja jómfrúargyðju Höfuðpaur tælingarhóps dæmdur í þrjátíu og fimm ára fangelsi Chunk er loksins „feitasti“ björninn Átján tegundir af sólarvörn teknar úr sölu í Ástralíu Sjá meira
Donald Trump, forseti Bandaríkjanna, telur mögulegt að 75 ára gamall maður sem slasaðist alvarlega þegar lögregluþjónar hrintu honum í jörðina í Buffaloborg sé útsendari Antifa og að um sviðsetningu hafi verið að ræða. Þessu sjónarhorni sínu tísti forsetinn í dag eftir að hann horfði á frétt hins umdeilda og mjög svo hægri sinnaða fjölmiðils One America News Network eða OANN. „Hinum 75 ára gamla Martin Gugino var hrint eftir að hann virtist skanna samskiptabúnað lögregluþjóna með því markmiði að slökkva á búnaðinum. @OANN ég horfði, hann féll hraðar en honum var hrint. Var að miða skanna. Gæti verið sviðsett?“ skrifaði Trump. Buffalo protester shoved by Police could be an ANTIFA provocateur. 75 year old Martin Gugino was pushed away after appearing to scan police communications in order to black out the equipment. @OANN I watched, he fell harder than was pushed. Was aiming scanner. Could be a set up?— Donald J. Trump (@realDonaldTrump) June 9, 2020 Tveimur lögregluþjónum var vikið úr starfi vegna atviksins og voru þeir svo ákærðir fyrir líkamsárás. Gugino slasaðist alvarlega í atvikinu og er enn á sjúkrahúsi. Í fyrstu hélt lögreglan því fram að hann hefði hrasað og dottið. Aðrir lögregluþjónar sem voru einnig í sérstakri óeirðasveit, hættu í sveitinni til stuðnings við félaga sína. Trump hefur meðal annars hótað því að skilgreina Anitfa sem hryðjuverkasamtök, þó hann geti það ekki samkvæmt lögum. Umfjöllun OANN byggir á vangaveltum í bloggfærslu á síðu sem kallast Conservative Tree House. Lögmaður Gugino sagði í síðustu viku að hann væri friðsamur aðgerðasinni, hefði verið það um árabil og hann berjist fyrir mannréttindum. Myndband af því þegar Gugino var hrint má sjá í fréttinni hér að neðan. Héraðsmiðillinn WKBW hefur eftir lögmanni Gugino að hún hafi ekki hugmynd um hvaðan þessar ásakanir komi. Það sé alger óþarfi að saka fólk um að vera eitthvað sem þau eru ekki. Þá vildi lögreglustjórinn í Buffalo, þar sem Gugino var hrint, ekki tjá sig um tíst forsetans. Í umfjöllun OANN er því haldið fram að fjölmiðlar í Bandaríkjunum kyndi undir elda óstöðugleika í Bandaríkjunum og séu í herferð gegn „helsta bandamanni bandarískra lögregluþjóna, Donald Trump“. Þetta hagnist eingöngu Kínverjum og Joe Biden, mótframbjóðanda Trump. Sjá einnig: Framboð Trump í miklum vandræðum Bloggfærslan sem umfjöllun OANN og tíst forseta Bandaríkjanna byggja á er skrifuð af nafnlausum aðila. Síðan sjálf er skráð af fyrirtæki sem felur raunverulegan eiganda hennar. The original article cited by OAN on the “Conservative Treehouse” website was written by an anonymous person who publishes under a pseudonym. The site is registered through a company that hides the identity and location of the owner of the website. https://t.co/eKL4kDr2d6— Jon Passantino (@passantino) June 9, 2020 Þar er stungið upp á því að Gugino sé að nota búnað í síma sínum sem geti skannað og slökkt á samskiptabúnaði lögregluþjóna. Það er sagt vera algeng aðferð Antifa, sem er hreyfing rótækra and-fasista sem Trump hefur sakað um ofbeldi í tengslum við mótmæli vegna dauða George Floyd. Í bloggfærslunni eru litlar sem engar sannanir færðar fyrir því að Gugino hafi verið að reyna að skanna samskiptabúnað lögreglunnar á nokkurn hátt, að öðru leyti en að hann var með síma í hendinni og færði höndina í átt að lögregluþjónunum sem hrintu honum. Þá eru sömuleiðis engar sannanir færðar fyrir því að hann aðhyllist Antifa. Þá er frétt OANN sjálf unnin af rússneskum fréttamanni sem vinnur einnig fyrir Sputnik, rússneskan miðil sem er í eigur rússneska ríkisins. Leyniþjónustur Bandaríkjanna segja Sputnik hafa verið notaðan til áhrifaherferðar yfirvalda Rússlands gagnvart forsetakosningunum 2016. OANN hefur flutt margar umfjallanir um samsæriskenningar sem snúa að Hillary Clinton og George Soros, sem er vinsælt skotmark fjar-hægri afla. Miðillinn hefur sömuleiðis fjallað um að nýja kóróunveiran hafi verið þróuð á tilraunastofu í Bandaríkjunum. Here's the rest of it, which says that media are "fan[ning] the flames of national unrest" by promoting this "far-left provocation" to hurt Trump and help China. pic.twitter.com/enMRQEf8Ko— Matthew Gertz (@MattGertz) June 9, 2020
Bandaríkin Donald Trump Dauði George Floyd Mest lesið Vaktin: Dómari kveður upp um refsingu Diddy Erlent Grunaður um að hafa brotið á fleiri en tíu börnum Innlent Nýsestur á skrifstofunni þegar hann fékk bíl í flasið Innlent Sagt að njóta ótruflaðrar ástar í Venesúela Innlent Starfsmaður á Brákarborg grunaður um kynferðisbrot Innlent Látinn fara eftir að hafa neitað Trump um sverð í eigu Eisenhower Erlent Fólk að bugast þar til hætt var að manna vaktir á föstudögum Innlent „Mér finnst þeir vera að taka frá mér lífið“ Innlent Rekja andlát dóttur að hluta til samsæriskenninga móður Erlent Bein útsending: Siglt áleiðis til Gasa Erlent Fleiri fréttir Hótar helvíti á jörð samþykki Hamas ekki tillögurnar Vísa frá máli á hendur skipverjum sem voru taldir hafa slitið sæstrengi „Það vill enginn spila eftir reglum sem eru samdar annars staðar“ Rekja andlát dóttur að hluta til samsæriskenninga móður Fyrsta konan sem verður erkibiskupinn af Kantaraborg Vaktin: Dómari kveður upp um refsingu Diddy Einn hinna látnu skotinn af lögreglu og annar særður Finna mikla nálykt frá rústunum Bein útsending: Siglt áleiðis til Gasa Látinn fara eftir að hafa neitað Trump um sverð í eigu Eisenhower Segist breyttur maður og biðlar til dómarans Hamas liðar vilja ekki afvopnast Flugvellinum í München lokað vegna drónaumferðar Nafngreina árásarmanninn í Manchester Segist eiga í vopnuðum átökum við eiturlyfjasmyglara Árásin í Manchester skilgreind sem hryðjuverk Leiðtogafundur í Danmörku: „Rússar munu ekki stoppa fyrr en tilneyddir“ Tveir látnir og þrír alvarlega særðir eftir árás í Manchester Afganir fagna því að vera aftur komnir í samband við umheiminn Thunberg meðal 500 handtekinna aðgerðasinna Demókrötum kennt um og uppsögnum hótað Frelsisflotinn umkringdur og farþegar fluttir til Ísraels Jane Goodall látin Telja sig hafa fundið skipið sem skaut drónunum Brýnt að koma rafmagni aftur á kjarnorkuverið „Dimmur dagur“ í sögu Slóvakíu Völdu tveggja ára stúlku sem nýja jómfrúargyðju Höfuðpaur tælingarhóps dæmdur í þrjátíu og fimm ára fangelsi Chunk er loksins „feitasti“ björninn Átján tegundir af sólarvörn teknar úr sölu í Ástralíu Sjá meira