Nígeríumenn biðja um þúsund milljarða lán

Nígería hefur biðlað til alþjóðastofnana um samtals þúsund milljarða króna lán til þess að takast á við efnahagslegar afleiðingar kórónuveirufaraldursins.

Um 230 hafa greinst smitaðir og útgöngubann hefur verið sett á í tveimur stærstu borgum landsins. 

Stjórnvöld hafa leitað til Alþjóðagjaldeyrissjóðsins, Alþjóðabankans og Þróunarbanka Afríku en samkvæmt fjármálaráðherra landsins, sem er stærsta olíuútflutningsríki Afríku, hefur lækkandi verð á hráolíu gert illt verra.