Sara segist vera grennri og hraustari eftir að hún fór að borða 650 fleiri kalóríur á dag

Sara Sigmundsdóttir hefur byrjað nýtt CrossFit keppnistímabil frábærlega og vann bæði „The Open“ og Filthy 150 CrossFit mótið á Írlandi. Nú hún hefur Sara uppljóstrað um stóra breytingu sem hún gerði eftir vonbrigðin á heimsleikunum í ágúst.

Sara leit mjög vel út á síðasta tímabili og var í sínu besta formi þegar kom að heimsleikunum. Þar gengu hlutirnir ekki upp og Sara datt út í niðurskurðinum eftir sjöttu grein og endaði í nítjánda sæti sem var langt frá spám og væntingum.

Sara ákvað að taka mataræðið sitt í gegn og fékk hjálp frá næringarfræðingum á M2 Performance Nutrition. Sara segir frá þessum breytingum á Instagram síðu sinni en hún er nú komin til Dúbæ þar sem hún keppir á Dubai CrossFit Championship seinna í desember.

 

 

 

View this post on Instagram

In August I made some way overdue changes to the way I approach my diet and nutrition. I decided to seek the guidance of @m2performancenutrition, a company I knew from the time I was living in Cookeville. I needed a nutritionist to really crunch the data on how my nutrition should be constructed and to find the perfect balance of macros. I want to stay lean and I have always thought eating less would be the way to go to maintain that. As a result I was always more tired than I thought I should be and I also had trouble with maintaining strength while loosing weight. Some tweaks and turns were recommended by @mike_m2pn. One of which was to add about 650 calories to my daily diet This is a lot and was definitely a bit of a mental barrier to overcome but I decided to trust the process. It did not take long until I started seeing and feeling the results. I got leaner, fitter and happier Thank you @mike_m2pn and everyone else at M2. Working with you guys has been such a great decision. I now have a perfect nutritional scope to follow, tailored to my needs and ambitions. Then I can dial it into the @trifectasystem app to make sure that every meal is on point. Easy and effective? ? ?#nutrition #m2performancenutrition #macros #leaner #fitter #happier? ?

A post shared by Sara Sigmundsdóttir (@sarasigmunds) on Dec 2, 2019 at 8:25am PST

„Í ágústmánuði gerði ég löngu tímabærar breytingar á mataræði mínu og næringu. Ég ákvað að leita ráða hjá M2 Performance Nutrition, fyrirtækis sem ég þekkti til frá því að ég bjó í Cookeville,“ skrifaði Sara.

„Ég þurfti á næringarfræðingi að halda sem gæti farið vel yfir tölurnar um hvernig best væri fyrir mig að borða og finna rétta jafnvægið í mataræði mínu. Ég vildi vera áfram grönn,“ skrifaði Sara en hélt svo áfram.

„Hingað til hef ég alltaf haldið að ég þyrfti að borða minna til að halda mér grennri. Fyrir vikið hef ég alltaf verið þreyttari en mér fannst ég þurfa að vera og ég átti líka í vandræðum með að halda styrk þegar ég losaði mig við kíló,“ skrifaði Sara.

Næringarfræðingarnir á M2 ráðlögðu henni að borða miklu meira og það kom Söru á óvart.

„Ég fékk góð ráð um að gera ákveðnar breytingar á mataræði mínu og ein af þeim var að borða 650 fleiri kaloríur á degi hverjum. Það var mjög mikil viðbót og andlegur þröskuldur sem ég þurfti að komast yfir en ég ákvað að treysta þessu,“ skrifaði Sara og hún er í skýjunum með útkomuna.

„Það leið ekki langur tími þar til að ég fór að sjá og finna muninn. Ég grenntist, varð hraustari og ánægðari,“ skrifaði Sara og þakkar fólkinu á M2.