Nick Tomsick reyndist hetja Stjörnunnar er þeir unnu þriggja stiga sigur á Þór Akureyri, 104-101, í spennutrylli norðan heiða í kvöld.
Leikurinn var fyrsti leikur umferðarinnar í Dominos-deild karla og flestir bjuggust við auðveldum sigri Stjörnunnar enda Þórsarar á botni deildarinnar án stiga.
Heimamenn bitu hins vegar frá sér og voru lengi vel yfir í leiknum en staðan var hins vegar jöfn, 101-101, er þrjár sekúndur voru eftir.
Arnar Guðjónsson, þjálfari Stjörnunnar, tók þá leikhlé. Hann teiknaði upp kerfi fyrir Nick Tomsick sem setti niður þriggja stiga körfu og tryggði Stjörnunni sigurinn.
Tomsick var algjörlega magnaður í leiknum en hann skoraði 44 stig og var stigahæsti leikmaður vallarins.
Sigurkarfa Tomsick sem bjargaði Stjörnunni | Myndband
Anton Ingi Leifsson skrifar
Mest lesið





Svona verður enski boltinn á Stöð 2 Sport
Enski boltinn

„Þeir spila mjög fast og komast upp með það“
Körfubolti



