Birna Hlín Káradóttir, sem hefur starfað sem yfirlögfræðingur Fossa markaða í nærri fjögur ár, hefur sagt upp störfum hjá verðbréfafyrirtækinu. Samkvæmt heimildum Markaðarins mun Birna Hlín vera á leið til starfa hjá Arion banka.
Í tilkynningu frá Arion banka síðastliðinn mánudag var greint frá því að Jónína S. Lárusdóttir, framkvæmdastjóri lögfræðisviðs bankans, hefði óskað eftir að láta af störfum hjá bankanum. Hún hafði verið framkvæmdastjóri lögfræðisviðs og setið í framkvæmdastjórn Arion banka frá því í nóvember 2010.
Áður en Birna Hlín fór til Fossa markaða gegndi hún starfi yfirlögfræðings á árunum 2009 til ársloka 2015 hjá Straumi fjárfestingarbanka og síðar sameinuðum banka MP banka og Straums auk þess að sitja í framkvæmdastjórn Straums. Þá hefur Birna Hlín einnig starfað á lögfræðisviði Straums-Burðaráss og á einkabankasviði Landsbankans Íslands í skattaráðgjöf.
Afturelding
ÍBV
