Kristianstad upp í 4. sætið | Wolfsburg áfram í bikarnum

Kristianstad komst upp í 4. sæti sænsku úrvalsdeildarinnar með 0-1 útisigri á Örebro í dag.

Kristianstad, sem Elísabet Gunnarsdóttir stýrir, er með 28 stig, fjórum stigum á eftir toppliði Rosengård sem á leik til góða.

Svava Rós Guðmundsdóttir var í byrjunarliði Kristianstad og lék allan leikinn. Sif Atladóttir lék ekki með Kristianstad í dag.

Varnarmaðurinn Therese Ivarsson skoraði eina mark leiksins úr vítaspyrnu á 73. mínútu.

Sara Björk Gunnarsdóttir var í byrjunarliði Wolfsburg sem vann 0-2 sigur á Berghofen í 2. umferð þýsku bikarkeppninnar.

Wolfsburg hefur orðið bikarmeistari fimm síðustu ár.