Hinn grunaði hefur verið handtekinn og hafði þá hníf í fórum sér. Haft er eftir ónefndum heimildarmanni Reuters fréttastofunnar innan lögreglunnar að nítján ára ungmenni hafi látist í árásinni.
Hinn grunaði er sagður hafa ráðist á fólk sem beið á strætóstöð og hafi síðan hlaupið í átt að neðanjarðarlestarstöð þegar hann var stoppaður af starfsfólki og öðrum óbreyttum borgurum.
Enn er óljóst hvað lá að baki árásinni, sem átti sér stað í kringum hálf þrjú í dag að íslenskum tíma. Samkvæmt heimildum CNN er árásin ekki rannsökuð sem hryðjuverk eins og sakir standa.
