Sautján ára stúlka lést úr of stórum skammti á tónlistarhátíð

Lögreglan á tónlistarhátíð í Leeds hefur varað við þremur töflum sem eru í umferð á svæðinu eftir að sautján ára stúlka lést úr of stórum skammti. Töflurnar sem um ræðir innihalda þrefaldan hámarksskammt og eru kallaðar Donkey Kong, Trump og Skype. 

Stúlkan lést á tónleikasvæðinu aðfaranótt laugardags og hefur sautján ára drengur verið handtekinn, grunaður um dreifingu efnanna. Skipuleggjendur hátíðarinnar harma atvikið og segja það vera ekkert annað en harmleik. 

Nákvæm dánarorsök liggur ekki fyrir en að sögn lögreglu lítur út fyrir að stúlkan hafi tekið „blöndu ýmissa lyfja“ sem hafi orðið til þess að hún missti meðvitund og lést. Lögreglan á svæðinu hefur því vakið athygli á málinu og minnt tónleikagesti á að það sé „engin örugg leið til þess að neyta ólöglegra lyfja og engin ólögleg lyf séu örugg“. 

Please be aware of the following named substances Donkey

Kong, Trump and Skype pills. They have been found in

circulation onsite. These are very dangerous, high strength pills, up to 3

times the normal average adult dose. pic.twitter.com/mLDnDO5JUI

— LeedsFestivalPolice (@LeedsFestPolice) August 23, 2019