Opnuðu kattakaffihús í miðbænum Steingerður Sonja Þórisdóttir skrifar 26. júlí 2019 06:00 Ragnheiður Birgisdóttir og Gígja Sara Björnsson reka saman Kattakaffihúsið við Bergstaðastræti. Fréttablaðið/Valli Fyrsta kattakaffihúsið var opnað í Taívan árið 1998 og nú njóta þau vinsælda út um allan heim. Þær Gígja Sara Björnsson og Ragnheiður Birgisdóttir reka saman Kattakaffihúsið við Bergstaðastræti, fyrsta og eina kattakaffihúsið hérlendis. Kaffihús sem þessi bjóða þeim sem ekki geta búið með köttum, eða langar að kynnast ketti vel áður en hann er ættleiddur, upp á einstakt tækifæri til þess að kynnast kisum. Gígja Sara svaraði nokkrum spurningum Fréttablaðsins um reksturinn og hvernig þetta allt saman æxlaðist. „Við Ragnheiður bjuggum í sama húsinu fyrir nokkrum árum. Kötturinn minn fór svo reglulega í heimsókn til Ragnheiðar, þannig að við urðum smá kisuvinkonur, vorum alltaf að tala um köttinn og hvað hann væri að bralla. Einn daginn nefndi hún þessa hugmynd við mig eftir að hún sá umfjöllun um kattakaffihús í Asíu,“ segir Gígja sem fannst hugmyndin að slíku kaffihúsi alveg einstaklega góð. „Við höfðum báðar mikið verið að skoða Dýrahjálp, Kattholt og Kattavaktina og fannst báðum mjög leitt hvað það voru margir kettir í heimilisleit. Þannig að við ræddum þessa hugmynd, að opna kaffihúsið og svo gætu gestir ættleitt kettina.“ Gígja var að klára nám í Listaháskólanum á þessum tíma. Eftir að því lauk rákust þær á húsnæðið sem kaffihúsið er í og fannst það algjörlega kjörið undir starfsemina. „Það er með stórum og fallegumgluggum fyrir kisurnar og svo er staðsetningin líka æðislega, miðsvæðis en ekki alveg í allri örtröðinni. Við ákváðum að kýla bara á þetta. Við pössum að hafa ekki of margar kisur í einu svo hver og ein fái að njóta sín,“ segir Gígja. Ragnheiður og Gígja reyna því að halda sig við þá reglu að hafa ekki fleiri en fimm kisur í einu. „Það búa reyndar núna sex kisur á kaffihúsinu. Ég veit ekki hvað orsakar það en mér finnst meira um ketti í heimilisleit núna en vanalega. Kannski tengist það sumarleyfum? Staðan er sú að mjög marga ketti vantar heimili og það eru nokkrir á biðlista að fá samastað hjá okkur.“Hægt er að mæta og klappa þessum alla daga á Kattarkaffihúsinu milli 10 og 18. Svo er líka mögulega hægt að bjóða honum upp á nýtt varanlegt heimili. Fréttablaðið/ValliMóðir Gígju er Helga Björnsson fatahönnuður, en hún starfaði lengi sem aðalhönnuður hátískuhússins Louis Féraud í París. Helga deildi áhuga Gígju og Ragnheiðar á köttum og var því meira en lítið til í að taka að sér hönnun á útliti staðarins og fegra með list sinni. „Það er mjög gaman að hafa hennar blæ líka yfir kaffihúsinu. Mér finnst starfsemin skiptast í þessar þrjár megináherslur. Að hjálpa köttum í heimilisleit, bjóða nánast eingöngu upp á grænkerafæði og svo fallegt umhverfi og list.“ Gígja segir Ragnheiði mjög fróða í markaðstengdum málum sem hafi mikið hjálpað við stofnun kaffihússins. „Svo eru líka nánast einhverjir galdrar við þetta húsnæði, köttunum kemur svo vel saman þarna. Það kom á óvart, en auðvitað verða stundum einhver leiðindi. En furðu lítið samt!“ Hún segir 36 ketti hafa fundið heimili í gegnum Kattakaffihúsið. Innt eftir minnisstæðum atvikum í rekstrinum segist hún sérstaklega muna eftir sögu af kettinum Stellu. „Þetta var bara minnir mig daginn eftir að hún flutti til okkar. Fyrst var hún aðeins feimin en svo bókstaflega stal hún bananabrauði úr munninum á barni. Kettirnir eru svo mismunandi karakterar. Sumir eru einmitt algjörir steliþjófar og nokkrir vilja til dæmis bara drekka úr vatnsglösum gestanna,“ segir Gígja hlæjandi. Kattakaffihúsið er opið alla daga frá 10-18 og er á Bergstaðastræti 10a. Verk eftir móður Gígju Söru, Helgu Björnsson fatahönnuð, prýða veggi kaffihússins. Fréttablaðið/Valli Birtist í Fréttablaðinu Dýr Reykjavík Veitingastaðir Mest lesið Heillaði að læra hefðirnar í Húsó Lífið KK og Sinfó: Clint Eastwood mætti í Eldborg Gagnrýni Brad Pitt tjáir sig í fyrsta skipti um skilnaðinn Lífið Hefur lést um níu kíló eftir hjartaáfallið: „Maður vaknar svolítið við þetta“ Lífið „Þetta tekur svo svakalega á sálartetrið“ Lífið Steldu senunni í veislu sumarsins Lífið Sjarmerandi miðbæjaríbúð listapars Lífið Dreymir stanslaust kynlíf með öðru fólki en makanum Lífið Kolféll fyrir New York en sér íslenska náttúru í hillingum Lífið Tónlistarbransadrottning selur miðbæjarslotið Lífið Fleiri fréttir Brad Pitt tjáir sig í fyrsta skipti um skilnaðinn „Þetta tekur svo svakalega á sálartetrið“ Sjarmerandi miðbæjaríbúð listapars Heillaði að læra hefðirnar í Húsó Steldu senunni í veislu sumarsins Hefur lést um níu kíló eftir hjartaáfallið: „Maður vaknar svolítið við þetta“ Dreymir stanslaust kynlíf með öðru fólki en makanum Skvísurnar tóku yfir klúbbinn Tónlistarbransadrottning selur miðbæjarslotið Handlagin hjón selja tvær eignir í sögulegu farandshúsi Kjalar ástfanginn í tvö ár Diddú tíu þúsundasti gestur fótboltabullnanna Sú elsta í sögu Ungfrú Ísland glímdi við átröskun og varð minnst 39 kíló Alda Karen keppir í hermiakstri Var ekki að lifa lífinu heldur að þrauka það Eilish sópaði að sér verðlaunum á AMA-hátíðinni Kolféll fyrir New York en sér íslenska náttúru í hillingum Brauðtertu- og ostakökukeppni á Selfossi Sara Björk og Árni kaupa í Urriðaholti Senjórítur og Pálmi Gunnars stálu senunni á Rottweiler Eyjaherrar heiðruðu sjötugan Ásgeir í stjörnufans „Þessi þriggja daga hátíð er algjört konfekt” Þarf ekki stóra íbúð til að gera heimilið fallegt Ásta Kristrún og Valgeir biðla til vina í leit að húsnæði Óttar keypti 320 milljóna króna þakíbúð Segist hafa neyðst til að vera Laufey í beinni útsendingu Stjörnulífið: Fröllur í poka og franska rívíeran Ástir, losti, fíkn og svik – dauði Marilyn Monroe Flytur til Sydney Drake kom fram á tónleikum í 66°Norður Sjá meira
Fyrsta kattakaffihúsið var opnað í Taívan árið 1998 og nú njóta þau vinsælda út um allan heim. Þær Gígja Sara Björnsson og Ragnheiður Birgisdóttir reka saman Kattakaffihúsið við Bergstaðastræti, fyrsta og eina kattakaffihúsið hérlendis. Kaffihús sem þessi bjóða þeim sem ekki geta búið með köttum, eða langar að kynnast ketti vel áður en hann er ættleiddur, upp á einstakt tækifæri til þess að kynnast kisum. Gígja Sara svaraði nokkrum spurningum Fréttablaðsins um reksturinn og hvernig þetta allt saman æxlaðist. „Við Ragnheiður bjuggum í sama húsinu fyrir nokkrum árum. Kötturinn minn fór svo reglulega í heimsókn til Ragnheiðar, þannig að við urðum smá kisuvinkonur, vorum alltaf að tala um köttinn og hvað hann væri að bralla. Einn daginn nefndi hún þessa hugmynd við mig eftir að hún sá umfjöllun um kattakaffihús í Asíu,“ segir Gígja sem fannst hugmyndin að slíku kaffihúsi alveg einstaklega góð. „Við höfðum báðar mikið verið að skoða Dýrahjálp, Kattholt og Kattavaktina og fannst báðum mjög leitt hvað það voru margir kettir í heimilisleit. Þannig að við ræddum þessa hugmynd, að opna kaffihúsið og svo gætu gestir ættleitt kettina.“ Gígja var að klára nám í Listaháskólanum á þessum tíma. Eftir að því lauk rákust þær á húsnæðið sem kaffihúsið er í og fannst það algjörlega kjörið undir starfsemina. „Það er með stórum og fallegumgluggum fyrir kisurnar og svo er staðsetningin líka æðislega, miðsvæðis en ekki alveg í allri örtröðinni. Við ákváðum að kýla bara á þetta. Við pössum að hafa ekki of margar kisur í einu svo hver og ein fái að njóta sín,“ segir Gígja. Ragnheiður og Gígja reyna því að halda sig við þá reglu að hafa ekki fleiri en fimm kisur í einu. „Það búa reyndar núna sex kisur á kaffihúsinu. Ég veit ekki hvað orsakar það en mér finnst meira um ketti í heimilisleit núna en vanalega. Kannski tengist það sumarleyfum? Staðan er sú að mjög marga ketti vantar heimili og það eru nokkrir á biðlista að fá samastað hjá okkur.“Hægt er að mæta og klappa þessum alla daga á Kattarkaffihúsinu milli 10 og 18. Svo er líka mögulega hægt að bjóða honum upp á nýtt varanlegt heimili. Fréttablaðið/ValliMóðir Gígju er Helga Björnsson fatahönnuður, en hún starfaði lengi sem aðalhönnuður hátískuhússins Louis Féraud í París. Helga deildi áhuga Gígju og Ragnheiðar á köttum og var því meira en lítið til í að taka að sér hönnun á útliti staðarins og fegra með list sinni. „Það er mjög gaman að hafa hennar blæ líka yfir kaffihúsinu. Mér finnst starfsemin skiptast í þessar þrjár megináherslur. Að hjálpa köttum í heimilisleit, bjóða nánast eingöngu upp á grænkerafæði og svo fallegt umhverfi og list.“ Gígja segir Ragnheiði mjög fróða í markaðstengdum málum sem hafi mikið hjálpað við stofnun kaffihússins. „Svo eru líka nánast einhverjir galdrar við þetta húsnæði, köttunum kemur svo vel saman þarna. Það kom á óvart, en auðvitað verða stundum einhver leiðindi. En furðu lítið samt!“ Hún segir 36 ketti hafa fundið heimili í gegnum Kattakaffihúsið. Innt eftir minnisstæðum atvikum í rekstrinum segist hún sérstaklega muna eftir sögu af kettinum Stellu. „Þetta var bara minnir mig daginn eftir að hún flutti til okkar. Fyrst var hún aðeins feimin en svo bókstaflega stal hún bananabrauði úr munninum á barni. Kettirnir eru svo mismunandi karakterar. Sumir eru einmitt algjörir steliþjófar og nokkrir vilja til dæmis bara drekka úr vatnsglösum gestanna,“ segir Gígja hlæjandi. Kattakaffihúsið er opið alla daga frá 10-18 og er á Bergstaðastræti 10a. Verk eftir móður Gígju Söru, Helgu Björnsson fatahönnuð, prýða veggi kaffihússins. Fréttablaðið/Valli
Birtist í Fréttablaðinu Dýr Reykjavík Veitingastaðir Mest lesið Heillaði að læra hefðirnar í Húsó Lífið KK og Sinfó: Clint Eastwood mætti í Eldborg Gagnrýni Brad Pitt tjáir sig í fyrsta skipti um skilnaðinn Lífið Hefur lést um níu kíló eftir hjartaáfallið: „Maður vaknar svolítið við þetta“ Lífið „Þetta tekur svo svakalega á sálartetrið“ Lífið Steldu senunni í veislu sumarsins Lífið Sjarmerandi miðbæjaríbúð listapars Lífið Dreymir stanslaust kynlíf með öðru fólki en makanum Lífið Kolféll fyrir New York en sér íslenska náttúru í hillingum Lífið Tónlistarbransadrottning selur miðbæjarslotið Lífið Fleiri fréttir Brad Pitt tjáir sig í fyrsta skipti um skilnaðinn „Þetta tekur svo svakalega á sálartetrið“ Sjarmerandi miðbæjaríbúð listapars Heillaði að læra hefðirnar í Húsó Steldu senunni í veislu sumarsins Hefur lést um níu kíló eftir hjartaáfallið: „Maður vaknar svolítið við þetta“ Dreymir stanslaust kynlíf með öðru fólki en makanum Skvísurnar tóku yfir klúbbinn Tónlistarbransadrottning selur miðbæjarslotið Handlagin hjón selja tvær eignir í sögulegu farandshúsi Kjalar ástfanginn í tvö ár Diddú tíu þúsundasti gestur fótboltabullnanna Sú elsta í sögu Ungfrú Ísland glímdi við átröskun og varð minnst 39 kíló Alda Karen keppir í hermiakstri Var ekki að lifa lífinu heldur að þrauka það Eilish sópaði að sér verðlaunum á AMA-hátíðinni Kolféll fyrir New York en sér íslenska náttúru í hillingum Brauðtertu- og ostakökukeppni á Selfossi Sara Björk og Árni kaupa í Urriðaholti Senjórítur og Pálmi Gunnars stálu senunni á Rottweiler Eyjaherrar heiðruðu sjötugan Ásgeir í stjörnufans „Þessi þriggja daga hátíð er algjört konfekt” Þarf ekki stóra íbúð til að gera heimilið fallegt Ásta Kristrún og Valgeir biðla til vina í leit að húsnæði Óttar keypti 320 milljóna króna þakíbúð Segist hafa neyðst til að vera Laufey í beinni útsendingu Stjörnulífið: Fröllur í poka og franska rívíeran Ástir, losti, fíkn og svik – dauði Marilyn Monroe Flytur til Sydney Drake kom fram á tónleikum í 66°Norður Sjá meira