Íslenska karlalandsliðið í blaki tapaði sínum öðrum leik á Smáþjóðaleikunum í Svartjallalandi í dag.
Ísland tapaði fyrir heimamönnum í gær en mætti liði San Marínó í dag.
Liðin skiptust á stigum í upphafi fyrstu hrinu en smá saman gáfu íslensku strákarnir í og komust í 11-7. Hrinunni lauk 25-21 fyrir Íslandi.
Það var hins vegar San Marínó sem náði forystunni í annari hrinu og vann hana örugglega 25-19. Íslenska liðið byrjaði þriðju hrinu illa og tapaði henni 25-21.
Fjórða hrinan fór einnig illa af stað hjá íslenska liðinu sem endaði á að tapa henni 25-20 og þar með leiknum 3-1.
Stigahæstir í íslenska liðinu voru Theódór Óskar Þorvaldsson með 15 stig og Ævar Freyr Birgisson með 13.
Íslenska liðið mætir Lúxemborg á morgun.
Tap fyrir San Marínó
Ástrós Ýr Eggertsdóttir skrifar

Mest lesið

Blikar mættu með málningarpenslana í garðinn hjá Gylfa
Íslenski boltinn


Fær ekki að dæma vegna samskiptaörðugleika
Körfubolti


Ökklinn eins og IKEA húsgagn: „Boruðu gat í gegnum tvö bein“
Íslenski boltinn

„Sorgardagur fyrir Manchester City“
Enski boltinn



Bræður berjast og fjölskyldumeðlimir velja á milli
Íslenski boltinn
