Slæm hegðun stuðningsmanna kostaði Njarðvík og Grindavík

Njarðvík og Grindavík hafa bæði verið sektuð um 50 þúsund krónur vegna háttsemi áhorfenda í leik liðanna í úrslitakeppni Dominos-deildar karla.

Njarðvík fékk 50 þúsund krónur í sekt vegna þess að trommukjuða var kastað í leikmann ÍR af stuttu færi. Dómarar leiksins stöðvuðu leikinn um stund áður en leik var haldið áfram.

Dóminn í máli Njarðvíkur má lesa hér en Grindvíkingar fengu einnig 50 þúsund krónur í sekt eftir að klinki var kastað í einn leikmann Stjörnunnar í leik liðanna 29. mars.

Vísir fjallaði um málið og birti einnig myndband af atvikinu en dóminn í máli Grindavíkur má lesa hér.