Þungu fargi létt af Eriksen: „Líklega einn heppnasti maður á jörðinni“

„Ég er líklega einn heppnasti maður á jörðinni,“ voru fyrstu viðbrögð Christian Eriksen, miðjumanns Tottenham, eftir að Tottenham komst áfram í undanúrslit Meistaradeildarinnar í kvöld.

Leikurinn var stórkostleg skemmtun en í uppbótartíma virtust City vera ná inn markinu sem myndi skjóta þeim áfram. Það var dæmt af vegna rangstöðu eftir að dómarinn nýtt sér VARsjána.

Í markinu sem var dæmt af eftir japl, jaml og fuður þá missti Daninn boltann á skelfilegum stað. Boltinn barst til Aguero sem lagði boltann á Aguero og City skoraði en Eriksen var glaður að markið hafi verið dæmt af.

"It was a rollercoaster!"

"VAR, thank you! Good decision!"

"We'll do it again on Saturday!"

A delighted Eriksen and Son on a remarkable night.

: @DesKellyBTSpic.twitter.com/GxvUdiJZts

— Football on BT Sport (@btsportfootball) April 17, 2019

„Ég hélt að þetta væri búið. Við gáfum þeim mörg færi en fengum einnig mörg sjálfir svo þetta var undarlegur leikur,“ en Eriksen mætir fyrrum félögum sínum í Ajax í undanúrslitunum.

„Við munum draga andann og það verður ævintýri að spila gegn þeim. Það verður gaman að koma til baka á leikvanginn þar,“ sagði Daninn frábæri.