Raunsæi og glæpir Kolbrún Bergþórsdóttir skrifar 11. febrúar 2019 11:00 Nokkrar bækur Horst hafa komið út á íslensku og er Eldraunin sú nýjasta. Norski glæpasagnahöfundurinn Jørn Lier Horst er einn þekktasti glæpasagnahöfundur Norðmanna. Bækur hans njóta vinsælda víða um heim og árið 2013 hlaut hann Glerlykilinn, sem veittur er fyrir bestu norrænu glæpasöguna, fyrir bók sína Veiðihundana. Áður en Horst sneri sér að ritstörfum starfaði hann sem yfirmaður í norsku lögreglunni. Þekking hans og innsýn í störf lögreglunnar koma honum til góða í ritstörfunum og fyrir vikið er sterkur raunsæisblær áberandi í sögum hans. Nokkrar bækur Horst hafa komið út á íslensku og er Eldraunin sú nýjasta. Sofie, einstæð móðir, flytur inn í hús sem hún hefur erft eftir afa sinn. Hún kemst að ýmsu vægast sagt vafasömu um fortíð hans þegar hún finnur sönnunargögn í gömlu sakamáli í peningaskáp í húsinu. Hún vingast við hina barnshafandi Line, sem er dóttir lögreglumannsins Wisting, sem lesendur þekkja úr fyrri bókum höfundar. Wisting rannsakar dularfullt hvarf leigubílstjóra um leið og hann bíður eftir að taka að sér nýtt hlutverk sem afi. Styrkur bókarinnar felst í trúverðugum lýsingum á störfum lögreglunnar, því hvernig glæpir hafa breyst í áranna rás og sömuleiðis hvernig viðhorf samfélagsins til þeirra hafa tekið breytingum. Aðalpersónur verksins eru dregnar skýrum dráttum og samspil milli þeirra er gott. Þegar kemur að sakamálaþættinum tekst ekki eins vel til. Það er óneitanlega betra að lesandinn hafi samúð með persónu sem hefur verið myrt eða horfið, hafi alla vega einhvern áhuga á henni. Hér gerist það ekki. Lesandinn fær enga tilfinningu fyrir hinum horfna leigubílstjóra og stendur nokkuð á sama um örlög hans og það sama á við um unga konu sem hlýtur grimm örlög. Sakamálið sem flett er ofan af í sögunni verður aldrei nægilega áhugavert og spennu verður ekki vart í verulegum mæli. Eldraunin er ein af þessum fremur þægilegu glæpasögum sem vel má orna sér við á köldum vetrardögum. Hún rís aldrei verulega hátt en er heldur aldrei slæm. Það eru aðalpersónurnar og samskipti þeirra sem vekja meiri áhuga en sjálft sakamálið.Glæpasaga sem notalegt er að lesa fyrst og fremst vegna geðugra aðalpersóna. Sakamálaþátturinn er ekki jafn áhugaverður. Birtist í Fréttablaðinu Bókmenntir Mest lesið Frægustu vinslit Íslandssögunnar Lífið Egill Logi Jónasson valinn bæjarlistamaður Akureyrar Lífið Stefán Einar og Sara Lind í sundur Lífið Bryan Adams breytti Eldborg í grátkór íslenskra karla Gagnrýni Hjartaknúsarinn tileinkaði íslenskri fyrirsætu rómantískan slagara Lífið Fyrsta íslenska myndin í Cannes Premiere-flokki Bíó og sjónvarp Bíllinn fannst þremur vikum eftir þjófnaðinn og þá lögfræðibók með Lífið Elti ástina til Íslands Tónlist „Gæti skrifað bókaseríu um vandræðileg stefnumót“ Makamál Taka ákvörðun á hverjum degi að elska hvort annað Lífið Fleiri fréttir Bryan Adams breytti Eldborg í grátkór íslenskra karla Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Eldborg breyttist í vélrænt helvíti Kaldrifjað morð, ungar karlrembur og kæfandi andrúmsloft Strípibúlluást sem hleypir öllu í háaloft Stormur fellur á prófinu Víkingur Heiðar á fjölbreyttri afmælisveislu með ljóslifandi hápunktum Leiksigur Ladda Elísabet fær uppreist æru Sjá meira
Norski glæpasagnahöfundurinn Jørn Lier Horst er einn þekktasti glæpasagnahöfundur Norðmanna. Bækur hans njóta vinsælda víða um heim og árið 2013 hlaut hann Glerlykilinn, sem veittur er fyrir bestu norrænu glæpasöguna, fyrir bók sína Veiðihundana. Áður en Horst sneri sér að ritstörfum starfaði hann sem yfirmaður í norsku lögreglunni. Þekking hans og innsýn í störf lögreglunnar koma honum til góða í ritstörfunum og fyrir vikið er sterkur raunsæisblær áberandi í sögum hans. Nokkrar bækur Horst hafa komið út á íslensku og er Eldraunin sú nýjasta. Sofie, einstæð móðir, flytur inn í hús sem hún hefur erft eftir afa sinn. Hún kemst að ýmsu vægast sagt vafasömu um fortíð hans þegar hún finnur sönnunargögn í gömlu sakamáli í peningaskáp í húsinu. Hún vingast við hina barnshafandi Line, sem er dóttir lögreglumannsins Wisting, sem lesendur þekkja úr fyrri bókum höfundar. Wisting rannsakar dularfullt hvarf leigubílstjóra um leið og hann bíður eftir að taka að sér nýtt hlutverk sem afi. Styrkur bókarinnar felst í trúverðugum lýsingum á störfum lögreglunnar, því hvernig glæpir hafa breyst í áranna rás og sömuleiðis hvernig viðhorf samfélagsins til þeirra hafa tekið breytingum. Aðalpersónur verksins eru dregnar skýrum dráttum og samspil milli þeirra er gott. Þegar kemur að sakamálaþættinum tekst ekki eins vel til. Það er óneitanlega betra að lesandinn hafi samúð með persónu sem hefur verið myrt eða horfið, hafi alla vega einhvern áhuga á henni. Hér gerist það ekki. Lesandinn fær enga tilfinningu fyrir hinum horfna leigubílstjóra og stendur nokkuð á sama um örlög hans og það sama á við um unga konu sem hlýtur grimm örlög. Sakamálið sem flett er ofan af í sögunni verður aldrei nægilega áhugavert og spennu verður ekki vart í verulegum mæli. Eldraunin er ein af þessum fremur þægilegu glæpasögum sem vel má orna sér við á köldum vetrardögum. Hún rís aldrei verulega hátt en er heldur aldrei slæm. Það eru aðalpersónurnar og samskipti þeirra sem vekja meiri áhuga en sjálft sakamálið.Glæpasaga sem notalegt er að lesa fyrst og fremst vegna geðugra aðalpersóna. Sakamálaþátturinn er ekki jafn áhugaverður.
Birtist í Fréttablaðinu Bókmenntir Mest lesið Frægustu vinslit Íslandssögunnar Lífið Egill Logi Jónasson valinn bæjarlistamaður Akureyrar Lífið Stefán Einar og Sara Lind í sundur Lífið Bryan Adams breytti Eldborg í grátkór íslenskra karla Gagnrýni Hjartaknúsarinn tileinkaði íslenskri fyrirsætu rómantískan slagara Lífið Fyrsta íslenska myndin í Cannes Premiere-flokki Bíó og sjónvarp Bíllinn fannst þremur vikum eftir þjófnaðinn og þá lögfræðibók með Lífið Elti ástina til Íslands Tónlist „Gæti skrifað bókaseríu um vandræðileg stefnumót“ Makamál Taka ákvörðun á hverjum degi að elska hvort annað Lífið Fleiri fréttir Bryan Adams breytti Eldborg í grátkór íslenskra karla Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Eldborg breyttist í vélrænt helvíti Kaldrifjað morð, ungar karlrembur og kæfandi andrúmsloft Strípibúlluást sem hleypir öllu í háaloft Stormur fellur á prófinu Víkingur Heiðar á fjölbreyttri afmælisveislu með ljóslifandi hápunktum Leiksigur Ladda Elísabet fær uppreist æru Sjá meira