Öflugur jarðskjálfti skók Indónesíu

Jarðskjálfti sem mældist 6.6 á Richter-kvarðanum skók Indónesíu í dag. Reuters greinir frá.

Miðja jarðskjálftans varð um 173 kílómetra frá borginni Ternate í Molucca-eyjaklasanum sem liggur við Norður-Malukueyju. Upptökin voru á um 60 kílómetra dýpi. Engar fréttir hafa borist af mannfalli vegna skjálftans.

Skammt er síðan að eldgos í eldfjallaeyjunni Anak Krakatau olli fljóðbylgju á Súmötru og Jövu, tveggja af þekktustu eyjum Indónesíu.

Flóðbylgjuviðvörunarmiðstöð Kyrrahafsins (PTWC) segir á vefsvæði sínu að ekki sé talið að flóðbylgja muni fylgja skjálftanum.

Fréttin hefur verið uppfærð.