Áttunda barn Clint Eastwood mætti á frumsýningu sem staðfesti þrálátan orðróm

Nýjasta kvikmynd bandaríska Óskarsverðlaunahafans Clint Eastwood var frumsýnd vestanhafs í vikunni. Myndin ber heitið The Mule en öll börn Eastwoods voru samankomin á frumsýningunni, átta talsins.

Orðrómur hafði gengið lengi vel um Hollywood að Eastwood hefði eignast barn áður en hann sló í gegn fyrir mörgum áratugum og það barn hafi verið gefið til ættleiðingar. Eastwood gekkst þó ekki við því opinberlega að þetta hefði átt sér stað. Það vakti því mikla athygli á frumsýningunni á mánudag þegar áttunda afkvæmið bættist í hóp barna hans sem var á frumsýningunni.

Um er að ræða Laurie Eastwood sem Clint Eastwood er sagður hafa eignast með konu sem hann átti í launsambandi við þegar hann var trúlofaður Maggie Johnson árið 1953.

Yngsta dóttir Eastwood, hin 22 ára gamla Morgan, staðfesti við viðstadda á frumsýningunni að Laurie væri systir hennar. Hún birti mynd á Instagram þar sem hún sagði það afar sjaldgæft að öll átta afkvæmi Clints Eastwood væru saman á mynd.

Það gerði einnig Alison Eastwood sem Clint eignaðist með Maggie Johnson. Laurie er fyrir miðju á myndinni.

 

 

 

View this post on Instagram

I'm not sure there has ever been a picture of all 8 kids together but here it is... #eastwoods

A post shared by Alison Eastwood (@alison.e.wood) on Dec 10, 2018 at 11:59pm PST

Ævisagnaritarinn Patrick McGilligan sagði fyrst frá tilvist Laurie en McGilligan sagði Eastwood hafa átt í nánu sambandi við móður Laurie.

Börn Clint Eastwood eru:

Laurie Eastwood sem er sögð hafa fæðst um 1953. 

Kimber Lynn Eastwood sem hann eignaðist með Roxanne Tunis árið 1964.

Kyle Eastwood sem hann eignaðist með Maggie Johnson árið 1968. 

Allison Eastwood sem hann eignaðist með Maggie Johnson árið 1972. 

Scott Eastwood sem hann eignaðist með Jacelyn Reeves árið 1986. 

Kathryn Eastwood sem hann eignaðist með Jacelyn Reeves árið 1988.

Francesca Eastwood sem hann eignaðist með Frances Fisher árið 1993. 

Morgan Eastwood sem hann eignaðist með Dina Ruiz árið 1996.