Valsarar senda Wright heim og fá tvo nýja í staðinn

Valsarar hafa gert breytingu á leikmannahópi sínum í Dominos-deild karla þar sem Bandaríkjamaðurinn Miles Wright hefur verið sendur heim eftir þrjá leiki. Í stað hans kemur einn bandarískur leikmaður og einn breskur leikmaður.

Þeir heita Kendall Anthony og Will Saunders. Anthony er 172 sentimetra hár leikstjórnandi sem lék síðast í brasilísku úrvalsdeildinni en Saunders er 201 sentimetra hár framherji sem lék síðast á Spáni.

Í fréttatilkynningu Vals segir að ástæðan fyrir þessum breytingum sé fyrst og fremst sú að liðinu vanti reynslumeiri Bandaríkjamann 

Miles Wright skilaði sautján stigum og átta fráköstum að meðaltali í þessum þremur leikjum en Valsarar eru stigalausir á botni deildarinnar.