Þorvaldur Helgi hefur störf hjá Samkaupum

Þorvaldur Helgi Auðunsson hefur verið ráðinn til starfa hjá Samkaupum og mun hann gegna starfi rekstrarstjóra vöruhúss og flutninga.

Í tilkynningu frá fyrirtækinu kemur fram að Þorvaldur hafi þegar hafið störf en hann hefur verið starfandi hjá Samkaupum undanfarna mánuði við ráðgjöf og greiningar.

„Þorvaldur er með þrjár háskólagráður, M.Sc. í viðskiptafræði frá Háskólanum á Akureyri, M.Sc. í verkfræði frá Lund University í Svíþjóð og B.Sc. í iðnaðartæknifræði frá Tækniháskóla Íslands. Auk þess hefur hann viðamikla alþjóðlega reynslu úr flutningageiranum og innkaupum.

Helstu verkefni Þorvaldar verða utanumhald og eftirfylgni á vöruhúsi Samkaupa, hagræðingar í rekstri vöruhússins, bættar og hagstæðari flutningaleiðir á landi og sjó- sem og annað tilfallandi.“