Roger Federer datt út í nótt á móti Ástralanum John Millman en Millman varð þar með fyrsti spilarinn til að slá Federer á Opna bandaríska meistaramótinu sem er ekki meðal fimmtíu efstu á heimslistanum.
Absolutely stunning upset as @johnhmillman defeats Federer 3-6, 7-5, 7-6, 7-6 under the lights in Arthur Ashe Stadium!
Millman's first top ten victory lands him a spot in the QF against Djokovic...#USOpenpic.twitter.com/4DPEOJpJw7
— US Open Tennis (@usopen) September 4, 2018
John Millman var bara í 55. sæti á síðasta heimslista en það kom ekki í veg fyrir það að hann vann Roger Federer 3-6 7-5 7-6 (9-7) 7-6 (7-3). Leikur þeirra tók þrjá klukkutíma og 39 mínútum.
John Millman fær að launum annan leik á móti margföldum meistara því í átta manna úrslitunum mætir hann Serbanum Novak Djokovic. Millman hefur aldrei komist svona langt á risamóti.
Millman er 29 ára gamall en það segir ýmislegt um hversu óvæntur sigur þetta var að hann hafði aldrei áður unnið mann sem var inn á topp tíu á heimslistanum.
Gracious and classy as always.
Until next time, @rogerfederer...#USOpenpic.twitter.com/zxPLUSbFuD
— US Open Tennis (@usopen) September 4, 2018
Roger Federer hefur fimm sinnum unnið Opna bandaríska meistaramótð en síðasti sigur hans kom hins vegar fyrir tíu árum. Federer fagnaði sigri á mótinu fimm ár í röð frá 2004 til 2008.
Federer var raðað í öðru sæti inn í mótið og var að reyna að vinna sitt 21. risamót á ferlinum. Engum öðrum karlmanni hefur tekist að vinna tuttugu risamót. Sá sigur verður aftur á móti að bíða betri tíma.
Átta manna úrslit karla á Opna bandaríska meistaramótinu 2018 eru klár og þar mætast:
Men’s QF are set:
Nadal Thiem
Del Potro Isner
__________________________
Cilic Nishikori
Djokovic Millman#USOpen
— US Open Tennis (@usopen) September 4, 2018
Rafael Nadal frá Spáni og Dominic Thiem frá Austurríki
Juan Martín del Potro frá Argentínu og John Isner frá Bandaríkjunum
Marin Cilic frá króatíu og Kei Nishikori frá Japan
Novak Djokovic frá Serbíu og John Millman frá Ástralíu
Átta manna úrslit kvenna á Opna bandaríska meistaramótinu 2018 eru klár og þar mætast:
Women’s QF are set:
Serena Ka. Pliskova
Stephens Sevastova
________________________________
Keys Suárez Navarro
Osaka Tsurenko#USOpen
— US Open Tennis (@usopen) September 4, 2018
Serena Williams frá Bandaríkjunum og Karolína Plíšková frá Tékklandi
Sloane Stephens frá Bandaríkjunum og Anastasija Sevastova frá Lettlandi
Carla Suárez Navarro frá Spáni og Madison Keys frá Bandaríkjunum
Naomi Osaka frá Japan og Lesia Tsurenko frá Úkraínu