Ákærður fyrir að reyna smygla kíló af kókaíni innvortis til landsins

Embætti héraðssaksóknara hefur ákært litháískan karlmann á fimmtugsaldri fyrir stórfellt fíkniefnalagabrot. Er hann sakaður um að hafa staðið að innflutningi á rúmu kílói af kókaíni, sem var með 37 prósenta styrkleika, ætluðu til söludreifingar hér á landi í ágóðaskyni.

Á maðurinn að hafa flutt fíkniefnin til Íslands sem farþegi með flugi frá Köln í Þýskalandi til Keflavíkurflugvallar, falin innvortis í líkama sínum, aðfaranótt mánudagsins 11. júní síðastliðinn.

Á hann yfir höfði sér allt að tólf ára fangelsisvist verði hann fundinn sekur.

Hefur maðurinn setið í gæsluvarðhaldi í fangelsinu á Hólmsheiði frá því hann var tekinn með fíkniefnin innvortis