Myrti eiginkonu sína og dóttur með gasfylltum jógabolta

Svæfingalæknir í Hong Kong myrti eiginkonu sína og dóttur með því að fylla svokallaðan jógabolta með kolmónoxíði. Þetta kom fram við réttarhöld í Hong Kong í vikunni.

Morðin voru framin árið 2015 en læknirinn, Khaw Kim-sun, hefur lýst yfir sakleysi sínu. Saksóknari segir að Khaw hafi skilið boltann eftir í skotti bíls. Gasið hafi lekið úr boltanum og dregið eiginkonu hans og dóttur til dauða, sem voru læstar inni í bílnum. 

Saksóknarar halda því einnig fram að Khaw hafi myrt eiginkonu sína vegna þess að hún hafi haldið fram hjá honum. Þeir telja þó ólíklegt að hann hafi ætlað að myrða dóttur sína, að því er fram kom við réttarhöldin. Þá sást til Khaw dæla gasi á boltana í aðdraganda morðanna.